https://sputnik.kg/20230916/tashevdin-chek-ara-tuuraluu-sozu-1078675066.html
Тажикстандын ТИМи Ташиевдин сөзүнөн улам Кыргызстандын элчисин чакыртты
Тажикстандын ТИМи Ташиевдин сөзүнөн улам Кыргызстандын элчисин чакыртты
Sputnik Кыргызстан
Кечээ Баткенде чек ара чырында каза болгондор эскерилди. 16.09.2023, Sputnik Кыргызстан
2023-09-16T20:32+0600
2023-09-16T20:32+0600
2023-09-16T20:48+0600
кыргызстан
тажикстан
тим
элчи
камчыбек ташиев
чек ара
https://sputnik.kg/img/07e7/01/16/1072230032_520:391:3019:1797_1920x0_80_0_0_3b5c76d831d76e96e81b54641fa07e90.jpg
БИШКЕК, 16-сен. — Sputnik. Тажикстандын Тышкы иштер министрлиги Кыргызстандын аталган өлкөдөгү элчиси Эрлан Абдылдаев чакырылганын кабарлады. Ведомство буга Кыргызстандын жогорку мамлекеттик кызмат адамынын тажик-кыргыз чек ара маселеси боюнча айткан сөздөрүн жүйө келтирген.Эскерте кетсек, кечээ, 15-сентябрь күнү, Кыргызстандын министрлер кабинетинин төрагасынын орун басары, УКМК төрагасы Камчыбек Ташиев 2022-жылы сентябрда болгон трагедиялуу окуянын курмандыктарын эскерүү иш-чарасында сүйлөп, чыр чек аранын толук тактала электигинен улам чыкканын белгилеген.Тажикстандын ТИМинин расмий сайтына буга байланыштуу маалымат жарыяланды.“Элчиге 15-сентябрда маалымат мейкиндигинде Кыргызстандын жогорку мамлекеттик кызмат адамынын тажик-кыргыз чек ара маселеси боюнча айткан сөздөрү пайда болгонуна байланыштуу тынчсыздануу жеткирилди. Бул сыяктуу комментарийлер тажик-кыргыз чек арасын делимитациялоо жана демаркациялоо боюнча сүйлөшүү жараянынын жүрүшүнө олуттуу залакасын тийгизиши ыктымал экени белгиленди", — деп айтылат билдирүүдө.
https://sputnik.kg/20230916/bishkek-kyrgyz-tazhik-chek-ara-zhanzhal-eskeruu-surot-1078664096.html
тажикстан
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, тажикстан, тим, элчи, камчыбек ташиев, чек ара
кыргызстан, тажикстан, тим, элчи, камчыбек ташиев, чек ара
Тажикстандын ТИМи Ташиевдин сөзүнөн улам Кыргызстандын элчисин чакыртты
20:32 16.09.2023 (Жаңыртылды: 20:48 16.09.2023) Кечээ Баткенде чек ара чырында каза болгондор эскерилди.
БИШКЕК, 16-сен. — Sputnik. Тажикстандын Тышкы иштер министрлиги Кыргызстандын аталган өлкөдөгү элчиси Эрлан Абдылдаев чакырылганын кабарлады. Ведомство буга Кыргызстандын жогорку мамлекеттик кызмат адамынын тажик-кыргыз чек ара маселеси боюнча айткан сөздөрүн жүйө келтирген.
Эскерте кетсек, кечээ, 15-сентябрь күнү, Кыргызстандын министрлер кабинетинин төрагасынын орун басары, УКМК төрагасы Камчыбек Ташиев 2022-жылы сентябрда болгон трагедиялуу окуянын курмандыктарын эскерүү иш-чарасында сүйлөп, чыр чек аранын толук тактала электигинен улам чыкканын белгилеген.
"Ушуга чейин биз коңшулар менен маселенин баарын тынч жол менен, жакшылык менен чечели деп аракет кылып келгенбиз, дагы деле ушундай аракет кылабыз. Кыргызстандын президенти бардык чек ара маселелерин тынч жол менен, сүйлөшүү жолу менен чечүүгө багыттап отурат, ошол боюнча аракеттер көрүлүп жатат. Коңшулар бизге ар дайым территориялык доомат коюп келишкен. Биз андай доомат болбошу керек деп жооп берип келгенбиз. Жаңы документтер табылды, ошол документтердин негизинде биздин кыргыз мамлекетинин көптөгөн жерлери Тажикстанга өтүп кеткенин билебиз. Юридикалык документтер менен тактап бере алабыз. Эгер коңшу мамлекет дооматтарынан баш тартпаса, территориялык дооматтарды биз коёбуз. Буга күчүбүз да, мүмкүнчүлүгүбүз да жетет", — деген Ташиев.
Тажикстандын ТИМинин расмий сайтына буга байланыштуу маалымат жарыяланды.
“Элчиге 15-сентябрда маалымат мейкиндигинде Кыргызстандын жогорку мамлекеттик кызмат адамынын тажик-кыргыз чек ара маселеси боюнча айткан сөздөрү пайда болгонуна байланыштуу тынчсыздануу жеткирилди. Бул сыяктуу комментарийлер тажик-кыргыз чек арасын делимитациялоо жана демаркациялоо боюнча сүйлөшүү жараянынын жүрүшүнө олуттуу залакасын тийгизиши ыктымал экени белгиленди", — деп айтылат билдирүүдө.
