Бала кезде алган психологиялык жараат кандай из калтырат

© Фото / Pexels / Andrea Piacquadio Кыз кыйкырып жатат. Иллюстративдик сүрөт
Кыз кыйкырып жатат. Иллюстративдик сүрөт - Sputnik Кыргызстан, 1920, 30.05.2023
Жазылуу
Адис адамдын бала кезде алган жан дүйнө жарааты анын келечегин аныктап коёрун билдирди.
БИШКЕК, 30-май — Sputnik. Адамдын жүрүм-турумунан тарта ооруларына чейин бала кездеги стресс, депрессиядан улам келип чыгат. Бул тууралуу психолог Анна Турга шилтеме берип "Доктор Питер" басылмасы жазды.
Адис кайсы адат эмнеден улам пайда болгонун санап берди:
Ишенбөөчүлүк
Кичине кезинде көп ооруп, дарылоо учурунда абдан кыйналган бала. Ошол эле учурда ата-эненин ашынган камкордугуна "муунуп" чоңойгон бала ушундай болот.
Ашыкча агрессия
Чоңдордон тил угуп, жемеленип, жазанын ар кандай түрүнө дуушар болуп чоңойгон бала.
Өзүн дайыма күнөөлүү сезүү
Адатта ата-энеси таштап кеткен балдар.
Майда-барат катачылыктарды трагедияга айландыруу
Бала кезинен тарта өз көйгөйүн өзү чечип, ага кошуп чоңдор үчүн жоопкерчиликти алып алгандар.
Кумирге байлануу
Ата-энеси башка жыныстагы балалуу болгусу келип, муну дайыма угуп чоңойгон бала. Ошондой эле балдардын бирин сүйүп, экинчисин жерип чоңойткон ата-эненин баласы дагы башкалардын пикиринен абдан көз каранды болуп калат.
"Жок" деген жоопту кабыл ала албагандар
Кичине кезинде атасы же апасы каза болгон же экөө тең таштап кеткен бөбөктөр.
Өзүн баалабагандар
Ата-энеси бала кезде оголе катуу көзөмөлдөп, күн "көрбөй" чоңойгон киши. Адатта ата-эне мындай баланын ой-пикири менен эсептешпейт, аны баалабайт.
Психолог Айдана Мадишова. Архив - Sputnik Кыргызстан, 1920, 25.05.2023
Радио
Психолог: өтө бийик талаптар баланын психологиясына зыян келтирет
Жаңылыктар түрмөгү
0