Пашинян Армениянын ЖККУдан баш тартышын жокко чыгарбайт. Кремлдин комментарийи

© Sputnik / Максим Блинов / Медиабанкка өтүүАрмениянын Куралдуу Кучтерунун белумунун аскер кызматчысы. Архив
Армениянын Куралдуу Кучтерунун белумунун аскер кызматчысы. Архив - Sputnik Кыргызстан, 1920, 22.05.2023
Жазылуу
Армениянын премьер-министри мындай чечим кандай учурда кабыл алынарын тизмектеп берди. Ал эми Кремлден “армян достор” менен диалог уланарын айтышты.
БИШКЕК, 22-май – Sputnik. Армениянын Жамааттык коопсуздук келишими уюмунан чыгуу маселеси күн тартибинен алынбагандыгын премьер-министр Никол Пашинян дүйшөмбүдө болгон маалымат жыйында билдирген. Бул туурасында Sputnik Армения жазды.
Пашинян эгерде уюм өзүнүн алган милдеттенмелерин аткарууда өлкөдөн чыгып кеткенин түшүнсө, Армения ЖККУдан де-юре чыгарын белгилеген. Эгерде ЖККУ мүчөсү макамы башка өлкөлөр менен коопсуздук жаатындагы маселелерди талкуулоого тоскоолдук жаратса, мындай чечимдин кабыл алынышы мүмкүндүгү айтылган.
Өкмөт башчынын пикиринде, ЖККУга мүчөлүк Ереванга башка, үчүнчү жактардан, өлкөлөрдөн курал алуу маселесин талкуулоого жолтоо болууда.
“Бизге силер ЖККУга мүчөсүңөр, силер менен эмнени талкуулоого болот деп айтышты", — деген Пашинян.
“Ереван мындай кадам жасап жатып бардыгын: саясий, аскердик жана экономикалык тобокелдиктерди тараза ташына коюп көрдүбү?” деген суроого Пашинян Армения ЖККУдан чыкпаганын, бирок уюм Армениядан кеткен болушу керектигин кошумчалаган.
Анын айтымына караганда, тобокелдик ыктымалдыгы бар, бирок өлкө бүгүнкү күндө дагы ушундай тобокелдиктерди башынан өткөрүп жатканын түшүнүү керек. Пашинян мурдараак маалымат жыйында Армениянын ЖККУнун Кыргызстандагы аскердик машыгууларына катышуусу боюнча маселе талкууланып жатканын айткан.
Россия лидеринин маалымат катчысы Дмитрий Песков Армениянын ЖККУга катышуусунун келечеги тууралуу айтып жатып, Россия Армения менен диалогду, анын ичинде ЖККУ темасын дагы улантарын билдирген.
ЖККУга алты мамлекет: Кыргызстан, Армения, Беларусь, Казакстан, Россия жана Тажикстан кирет.
Россиянын ТИМин имараты. Архив - Sputnik Кыргызстан, 1920, 10.05.2023
Россиянын ТИМи Армениянын ЖККУну сындашына жооп кайтарды
Жаңылыктар түрмөгү
0