https://sputnik.kg/20230520/sadyr-zhaparovdun-kytayga-zhasagan-mamlekettik-sapary-ayaktady-1075512688.html
С. Жапаровдун Кытайга жасаган мамлекеттик сапары аяктап, Бишкекке келди
С. Жапаровдун Кытайга жасаган мамлекеттик сапары аяктап, Бишкекке келди
Sputnik Кыргызстан
Мамлекеттик сапардын алкагында бир катар эки тараптуу документтерге кол коюлду. 20.05.2023, Sputnik Кыргызстан
2023-05-20T23:08+0600
2023-05-20T23:08+0600
2023-05-20T23:21+0600
кыргызстан
кытай
садыр жапаров
иш сапар
саммит
https://sputnik.kg/img/07e7/05/14/1075510807_0:39:2835:1634_1920x0_80_0_0_bc885630f73832bd0fb536ac3c3524e9.jpg
БИШКЕК, 20-май — Sputnik. Президент Садыр Жапаровдун 17-20-майда Кытайга болгон мамлекеттик сапары аяктаганын мамлекет башчынын маалымат кызматынан кабарлады.18-майда Жапаров Сиань шаарында Кытай төрагасы Си Цзиньпин менен жолукту. Анда өлкө лидерлери эки жана көп тараптуу кызматташтыктын актуалдуу маселелерин, жогорку деңгээлдеги макулдашуулардын жана ар кыл чөйрөдөгү долбоорлордун ишке ашырылышын талкуулашты. Эки тараптуу сүйлөшүүлөрдүн жүрүшүндө "Кытай — Кыргызстан — Өзбекстан" темир жолун куруу долбооруна өзгөчө көңүл бурулуп жана аны ишке ашыруунун маанилүүлүгү белгиленди. Сүйлөшүүлөрдүн жыйынтыгында Садыр Жапаров жана Си Цзиньпин Кыргызстан менен Кытайдын жаңы доордо баарын камтыган ар тараптуу стратегиялык өнөктөштүктү түзүү жөнүндө биргелешкен декларацияга кол коюшту.Мындан тышкары, мамлекеттик сапардын алкагында бир катар эки тараптуу документтерге кол коюлду.Жогорку деңгээлдеги жолугушуулардан жана документтерге кол коюу аземинен кийин Жапаров Кытайдын бизнес-коомчулугу менен жолугушуп, аларды Кыргызстанда приоритеттүү долбоорлорду ишке ашырууга катышууга чакырды. Ошол күнү кечинде мамлекет башчысы биринчи айым Айгүл Жапарова менен чогуу Кытай лидери Си Цзиньпиндин Борбор Азия лидерлеринин мамлекеттик сапарына арналган өлкө башчылары менен учурашуу аземине катышты.Мамлекеттик сапардын кийинки күнү, 19-майда, Жапаров "Борбор Азия — Кытай" саммитинин ишине катышты, анын жыйынтыгында Сиань декларациясы жана бир катар көп тараптуу документтер кабыл алынды. Андан соң Пекин шаарында Кытайдын Мамлекеттик кеңешинин премьери Ли Цян жана Кытай Элдик Саясий консультациялык кеңешинин Бүткүл Кытай комитетинин төрагасы Ван Хунин менен жолукту.Мамлекеттик сапардын акыркы күнүндө, 20-майда, Шаньдун провинциясынын Цзинань шаарында Жапаров буга чейин Бишкек шаарынын керектөөлөрү үчүн сатылып алынган, газ менен жүрүүчү 120 автобустун партиясы чыккан "Zhongtong Bus Holding Co. Ltd" автобус заводунун иши менен таанышты. Алар борбордун жолдорунда сыноодон ийгиликтүү өтүп, буга байланыштуу аталган маркадагы автобустардан 1000ди бюджеттик каражатка сатып алуу чечими кабыл алынган. Алар Бишкек шаарына жеткирилет.Андан кийин Жапаров Шаньдун провинциясынын Парткомунун катчысы Линь У менен жолугуп, регион аралык кызматташтыктын актуалдуу маселелери боюнча пикир алышты. 20-майдын кечинде Кытайга болгон биринчи мамлекеттик сапарын аяктап, Президент Бишкек шаарына келди.
https://sputnik.kg/20230520/kyrgyz-kytay-chek-ara-otkoruu-punkt-1075491261.html
кытай
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, кытай, садыр жапаров, иш сапар, саммит
кыргызстан, кытай, садыр жапаров, иш сапар, саммит
С. Жапаровдун Кытайга жасаган мамлекеттик сапары аяктап, Бишкекке келди
23:08 20.05.2023 (Жаңыртылды: 23:21 20.05.2023) Мамлекеттик сапардын алкагында бир катар эки тараптуу документтерге кол коюлду.
БИШКЕК, 20-май — Sputnik. Президент Садыр Жапаровдун 17-20-майда Кытайга болгон мамлекеттик сапары аяктаганын мамлекет башчынын маалымат кызматынан кабарлады.
18-майда Жапаров Сиань шаарында Кытай төрагасы Си Цзиньпин менен жолукту. Анда өлкө лидерлери эки жана көп тараптуу кызматташтыктын актуалдуу маселелерин, жогорку деңгээлдеги макулдашуулардын жана ар кыл чөйрөдөгү долбоорлордун ишке ашырылышын талкуулашты. Эки тараптуу сүйлөшүүлөрдүн жүрүшүндө "Кытай — Кыргызстан — Өзбекстан" темир жолун куруу долбооруна өзгөчө көңүл бурулуп жана аны ишке ашыруунун маанилүүлүгү белгиленди. Сүйлөшүүлөрдүн жыйынтыгында Садыр Жапаров жана Си Цзиньпин Кыргызстан менен Кытайдын жаңы доордо баарын камтыган ар тараптуу стратегиялык өнөктөштүктү түзүү жөнүндө биргелешкен декларацияга кол коюшту.
Мындан тышкары, мамлекеттик сапардын алкагында бир катар эки тараптуу документтерге кол коюлду.
Жогорку деңгээлдеги жолугушуулардан жана документтерге кол коюу аземинен кийин Жапаров Кытайдын бизнес-коомчулугу менен жолугушуп, аларды Кыргызстанда приоритеттүү долбоорлорду ишке ашырууга катышууга чакырды. Ошол күнү кечинде мамлекет башчысы биринчи айым Айгүл Жапарова менен чогуу Кытай лидери Си Цзиньпиндин Борбор Азия лидерлеринин мамлекеттик сапарына арналган өлкө башчылары менен учурашуу аземине катышты.
Мамлекеттик сапардын кийинки күнү, 19-майда, Жапаров "Борбор Азия — Кытай" саммитинин ишине катышты, анын жыйынтыгында Сиань декларациясы жана бир катар көп тараптуу документтер кабыл алынды. Андан соң Пекин шаарында Кытайдын Мамлекеттик кеңешинин премьери Ли Цян жана Кытай Элдик Саясий консультациялык кеңешинин Бүткүл Кытай комитетинин төрагасы Ван Хунин менен жолукту.
Мамлекеттик сапардын акыркы күнүндө, 20-майда, Шаньдун провинциясынын Цзинань шаарында Жапаров буга чейин Бишкек шаарынын керектөөлөрү үчүн сатылып алынган, газ менен жүрүүчү 120 автобустун партиясы чыккан "Zhongtong Bus Holding Co. Ltd" автобус
заводунун иши менен таанышты. Алар борбордун жолдорунда сыноодон ийгиликтүү өтүп, буга байланыштуу аталган маркадагы автобустардан 1000ди бюджеттик каражатка сатып алуу чечими кабыл алынган. Алар Бишкек шаарына жеткирилет.
Андан кийин Жапаров Шаньдун провинциясынын Парткомунун катчысы Линь У менен жолугуп, регион аралык кызматташтыктын актуалдуу маселелери боюнча пикир алышты. 20-майдын кечинде Кытайга болгон биринчи мамлекеттик сапарын аяктап, Президент Бишкек шаарына келди.
