БАЭ, Мальдив, Бахрейн, Ливан. Кыргызстан 4 өлкө менен визасыз режим киргизет

© Sputnik / Табылды КадырбековМанас аэропортундагы паспорт контролу. Архив
Манас аэропортундагы паспорт контролу. Архив - Sputnik Кыргызстан, 1920, 03.05.2023
Жазылуу
ТИМ башчысы европалык мамлекеттер менен да макулдашуу жүргүзүлүп жатканын белгиледи.
БИШКЕК, 3-май — Sputnik. Жогорку Кеңеш төрт өлкө менен визалык талаптарды жоюу боюнча келишимди үч окуудан колдоп берди.
Тышкы иштер министри Жээнбек Кулубаевдин айтымында, макулдашууга ылайык, Мальдив Республикасына Кыргызстандын бардык жарандары визасыз бара алат. Бирок 30 күндүк мөөнөт коюлган.
Ал эми Бириккен Араб Эмирлигине дипломатиялык паспорт менен 90 күнгө барууну каалагандарга виза талап кылынбайт.
Бахрейнге жана Ливанга дипломатиялык, кызматтык жана атайын паспорттордун ээлерин визалык талаптардан 90 күнгө бошотуу каралган.
"Биз бул мамлекеттерге бардык жарандар үчүн визасыз режимди сунуштаганбыз. Алар алгач пробация кылып дипломатиялык, кызматтык паспортторду өткөрөлү, көйгөй жаралбаса карап көрөбүз деп жатышат. Ушул сыяктуу иштер европалык мамлекеттер менен да жүргүзүлүп жатат", — деди Кулубаев.
Белгилей кетсек, келишим эки тараптуу болот, башкача айтканда, аталган өлкөлөрдүн жарандары да Кыргызстанга ушундай шартта келе алышат.
Парламенттен кийин ратификацияга президент да кол коюшу керек.
Кыргызстан менен Кытай желектери. Архив - Sputnik Кыргызстан, 1920, 03.05.2023
Кыргызстан менен Кытай визасыз режим киргизүү боюнча сүйлөшүп жатат
Жаңылыктар түрмөгү
0