Ошто социалдык дүкөндөр ижарага берилет. Мэрия конкурс жарыялады

© Фото / пресс-служба мэрии города ОшОшто социалдык дүкөндөр ижарага берилет
Ошто социалдык дүкөндөр ижарага берилет - Sputnik Кыргызстан, 1920, 28.03.2023
Жазылуу
Социалдык маанидеги товарларды сата турган күркөлөр жети жерде жайгашкан.
БИШКЕК, 28-мар. — Sputnik. Ош шаарынын мэриясы социалдык дүкөн ачууну каалаган ишкерлерди жеңилдетилген ижара шартында иштетүү үчүн конкурска катышууга чакырат.
Аталган дүкөндөр курулуп бүткөн, ижара акысы айына — болгону 2 700 сом.
Алар төмөнкү даректерде жайгашкан:
Рыспай Абдыкадыров көчөсү, 143;
Мамыров көчөсү (болжол менен "Фархад" чайканасы);
Кулатов кичи району, Ак-Ниет сквери;
Төлөнөв көчөсү (болжол боюнча Токтогул Сатылганов мектеби);
Манас-Ата кичи району (болжол боюнча Манас-Ата мечити);
Туран кичи району (Дача участогу);
Кеңеш айылы (Ош — Араван жолунун бою).
Социалдык дүкөндөрдө сатууга сунушталган социалдык маанидеги азык-түлүк товарлары:
ун жана ун азыктары;
кумшекер;
эт жана эт азыктары;
сүт жана сүт азыктары;
өсүмдүк майы;
жумуртка;
жаңы тоңдурулган балык;
акшак.
Талаптар:
социалдык маанидеги товарларды статистикалык орточо баадан (5-10 пайызга чейин) төмөн кылып, Ош мэриясы жана Монополияга каршы саясат агенттиги менен макулдашып сатуу;
азык-түлүктөрдү үзгүлтүксүз камсыздоо;
тейлөө деңгээлин жогорулатуу жана сапаттуу продукция менен камсыздоо.
Конкурска катышууну каалаган жарандар мэриянын экономика жана финансы бөлүмүнүн жетектөөчү адиси Умида Шамшиевага 4-апрелге чейин кайрылса болот. Байланыш телефондору: 0774605905 (WhatsApp), 0559 605905.
Супермаркеттеги кардар. Архив - Sputnik Кыргызстан, 1920, 22.03.2023
РФ соода өкүлү: Кыргызстандын дүкөндөрүндөгү товардын 40%ы Россиядан чыккан
Жаңылыктар түрмөгү
0