Жапаров эки акимди иштен алып, бир топ район башчылары менен мэрлерге сөгүш жарыялады
12:25 04.03.2023 (Жаңыртылды: 12:45 04.03.2023)
Жазылуу
Акимдер менен мэрлер ишин жакшы алып кете албагандыгы жана жетекчилик кызматтагы кетирген кемчиликтери үчүн кызматынан кетип, сөгүш алышкан.
БИШКЕК, 4-мар. — Sputnik. Президент Садыр Жапаров бир акимдерге жана шаар мэрлерине сөгүш жарыялап, бир катар жетекчилерди ээлеген кызматынан бошотту. Бул тууралуу мамлекет башчынын маалымат кызматынан кабарлады.
Бул чечим аткаминерлердин ишиндеги калпыстыктар — социалдык-экономикалык көрсөткүчтөрдүн төмөндүгүнө, функционалдык милдеттерди аткаруунун деңгээлинин жетишсиздигине, төмөн баа алган жетекчилердин катарына киргендигине байланыштуу чыккан. Буга Жер амнистиясын жүргүзүү боюнча түзүлгөн комиссиянын ишин текшерүүнүн жыйынтыгы да себепкер болгон, тагыраагы, аталган комиссия жетекчилердин ишиндеги кемчиликтерди көрсөткөн. Облустук деңгээлдеги шаарлардын мэрлеринин 2022-жылга аткарылган иштери жөнүндө отчётторун кабыл алуу боюнча жумушчу комиссиянын чечими да оң болгон эмес.
Мындан улам Жапаров төмөнкү чечимдерди кабыл алган:
Матанбаев Жамшит Нарын облусунун Жумгал районунун мамлекеттик администрациясынын башчысы-акими кызматынан бошотулду;
Анаркулов Бактибек Кочкорович Чүй облусунун Аламүдүн районунун мамлекеттик администрациясынын башчысы-акими кызматынан бошотулду.
Ошондой эле сөгүш алгандар:
Жумаев Алайбек Мусаевич — Чүй облусунун Кемин районунун мамлекеттик администрациясынын башчысы-акими;
Бектемиров Келсинбек Базаркулович — Жалал-Абад облусунун Таш-Көмүр шаарынын мэри;
Самаев Урматбек Обозбекович — Кыргыз Республикасынын Чүй облусунун Токмок шаарынын мэри.
Мындан тышкары, эскертүү алгандар:
Кулубаев Сейтек Дөлөтбекович — Ош облусунун Араван районунун мамлекеттик администрациясынын башчысы-акими;
Ногоев Турусбек Молдобекович — Ош облусунун Кара-Суу районунун мамлекеттик администрациясынын башчысы-акими;
Тагаев Мураталы Абдыкарович — Ысык-Көл облусунун Жети-Өгүз районунун мамлекеттик администрациясынын башчысы-акими;
Жээнбеков Досмамбет Аматович — Талас облусундагы Манас районунун мамлекеттик администрациясынын башчысы-акими.
Министрлер кабинетинин төрагасы тарабынан кабыл алынган чечимдерге ылайык төмөндөгүлөр ээлеген кызматтарынан бошотулду:
Абдыгулов Бактыбек Нурбекович — Чүй облусунун Аламүдүн районунун мамлекеттик администрация башчысы-акиминин биринчи орун басары;
Баялиева Зина Кадыркуловна — Талас облусунун Талас районунун мамлекеттик администрация башчысы-акиминин орун басары;
Сатаров Данияр Сатарович — Ысык-Көл облусунун Түп районунун мамлекеттик администрация башчысы-акиминин биринчи орун басары;
Султангазиева Гүлжамал Абалиевна — Жалал-Абад облусунун Тогуз-Торо районунун мамлекеттик администрация башчысы-акиминин орун басары.
27 Бирдин айы 2023, 18:49
