Бакытты талап кылуудан мурун аны берейин дедим. Актриса Таштанованын видеомаеги

Жазылуу
Эксклюзив
Кыргыз кино тармагындагы учурдун популярдуу актрисасы, "Үй сатылат", "Такебай", "Аяш", "Кумар" жана башка тасмаларда роль жаратып, ондогон клиптердин көркүн ачкан актриса Калипа Таштанова менен баарлаштык.
Ал маекти мүнөзүмдүн калыптанышына балалык күндөрүмдүн таасири бар деп баштады. Айтымында, атасы капыстан кырсыктап калгандан кийин үй-бүлөдө бир топ кыйынчылыктар болгон.
"Классташтарым мектепке кетип жатканда иним экөөбүз арабага нан салып келип дүкөндөргө сатчубуз", — деди ал балалыгы тууралуу эскерип. Калипа Таштанова билими боюнча журналист. Бирок атасынын кеңешинен улам кесиби менен иштеген эмес. Ишкерликке бел байлап, соодага киришкен.
Ошол күндөрдүн биринде анын кино айдыңына келип калышына себепкер окуяга туш болгон. Тактап айтканда, режиссёр Темир Бирназаров кино тарткан топтун мүчөлөрү менен жүрүп, Таштанованы көрүп калышат. Ошол жерден эле ага фильмге тартылууну сунушташат. Ошентип Таштанова күтүүсүздөн тасма талаасына кирип, "Кумар" киносундагы Айжандын ролун аткарат.
"Мен бул тасмага тартылганга чейин ушундай жолдо жүргөн кыздарды сындачумун. Фильмге тартылгандан кийин алардын абалын сезип, түшүндүм. Көптөгөн кыздар мындай жолго үй-бүлөсүнүн, ата-энесинин камкордугу, сүйүүсү, мээрими жетишсиз болгондо барат. Эч бир кыздын чекесине көңүлдөш болуу жазылбасын", — деген маектешим фильм чыккандан кийин коомчулуктун ачуу сынына калганын кошумчалады.
Андан ары биздин маек актрисанын аялдык ой-толгоолору тууралуу болду.
"Үй-бүлөмдү, балдарымды карьерадан жогорку тепкичке койдум", — дейт үч баланын энеси Таштанова.
Тема боюнча:
Сахна, сүйүү, жеңиш... Актриса Альбина Имашованын кызыктуу видеомаеги
Жаңылыктар түрмөгү
0