https://sputnik.kg/20230304/biylik-uy-buzuu-uy-bulo-zhardam-beruu-1073320584.html
Бийлик үйү түрттүрүлгөн Бишкектеги үй-бүлөгө жардам берүүгө убада берди
Бийлик үйү түрттүрүлгөн Бишкектеги үй-бүлөгө жардам берүүгө убада берди
Үй-бүлө турак жайсыз калганын коомчулук жана бийликтегилер социалдык тармактар аркылуу билди. 04.03.2023, Sputnik Кыргызстан
2023-03-04T15:22+0600
2023-03-04T15:22+0600
2023-03-04T15:25+0600
кыргызстан
үй
акылбек жапаров
бишкек
ак-ордо
мыйзам
үй-бүлө
/html/head/meta[@name='og:title']/@content
/html/head/meta[@name='og:description']/@content
https://sputnik.kg/img/07e7/03/04/1073319272_0:320:3073:2048_1920x0_80_0_0_e3ed3927e685802fa9b0a916aa8eb6ab.jpg
БИШКЕК, 4-мар. — Sputnik. Министрлер кабинети үйсүз калган төрт баланын энесине жаңы үй куруп берүүнү убадалады.1-мартта социалдык тармакта Ак-Ордо конушундагы үй-бүлөнүн турак жайын күч менен бузуп салышкан видеосу тараган. Анда үйдүн кожойкеси президенттен жардам сурап, кайрылган.Жогорку Сот үй ээсинин өтүнүчү менен бузулганын түшүндүрдү. Ал аталган иш боюнча соттун бардык инстанцияларында "жерди колдонуу укугуна тоскоолдуктарды жоюу жана мыйзамсыз курулуштарды бузуу боюнча" ишин утуп алган. Буга Жогорку Сот 2022-жылдын сентябрында чекит койгон, биринчи чечим буга чейин 2018-жылы чыккан. Башкача айтканда, доогердин арызы боюнча бул анын жер тилкеси, ал эми үй мыйзамсыз курулган.Бирок үйсүз калган аялдын айтымында, ал тамды бир нече жыл мурда сатып алган. Коңшулары үй-бүлө бир жер тилкесин бир нече адамга саткан шылуундардан жапа чеккенин айтышууда.Бул окуя социалдык тармактарга жарыялангандан кийин министрлер кабинетинин башчысы Акылбек Жапаров комментарийге "Жардам беребиз" деп жазган.Андан соң социалдык тармактарда Жапаровдун кеңешчиси Урмат Токтожумаев кечээ окуя болгон жерге келген деген маалымат пайда болду. Ал министрлер кабинетинин башчысына абалды айтып, үй-бүлөгө жаңы үй салып берүүнү убада кылган.
https://sputnik.kg/20230304/akylbek-zhaparov-kontrolduk-kassalyk-mashinalar-tuuraluu-1073318424.html
бишкек
ак-ордо
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, үй, акылбек жапаров, бишкек, ак-ордо, мыйзам, үй-бүлө
кыргызстан, үй, акылбек жапаров, бишкек, ак-ордо, мыйзам, үй-бүлө
Бийлик үйү түрттүрүлгөн Бишкектеги үй-бүлөгө жардам берүүгө убада берди
15:22 04.03.2023 (Жаңыртылды: 15:25 04.03.2023) Үй-бүлө турак жайсыз калганын коомчулук жана бийликтегилер социалдык тармактар аркылуу билди.
БИШКЕК, 4-мар. — Sputnik. Министрлер кабинети үйсүз калган төрт баланын энесине жаңы үй куруп берүүнү убадалады.
1-мартта социалдык тармакта Ак-Ордо конушундагы үй-бүлөнүн турак жайын күч менен бузуп салышкан видеосу тараган. Анда үйдүн кожойкеси президенттен жардам сурап, кайрылган.
Жогорку Сот үй ээсинин өтүнүчү менен бузулганын түшүндүрдү. Ал аталган иш боюнча соттун бардык инстанцияларында "жерди колдонуу укугуна тоскоолдуктарды жоюу жана мыйзамсыз курулуштарды бузуу боюнча" ишин утуп алган. Буга Жогорку Сот 2022-жылдын сентябрында чекит койгон, биринчи чечим буга чейин 2018-жылы чыккан. Башкача айтканда, доогердин арызы боюнча бул анын жер тилкеси, ал эми үй мыйзамсыз курулган.
Бирок үйсүз калган аялдын айтымында, ал тамды бир нече жыл мурда сатып алган. Коңшулары үй-бүлө бир жер тилкесин бир нече адамга саткан шылуундардан жапа чеккенин айтышууда.
Бул окуя социалдык тармактарга жарыялангандан кийин министрлер кабинетинин башчысы Акылбек Жапаров комментарийге "Жардам беребиз" деп жазган.
Андан соң социалдык тармактарда Жапаровдун кеңешчиси Урмат Токтожумаев кечээ окуя болгон жерге келген деген маалымат пайда болду. Ал министрлер кабинетинин башчысына абалды айтып, үй-бүлөгө жаңы үй салып берүүнү убада кылган.
