Милиция тез байып кетүүнү убадалаган шылуундардан сак болууну эскертти

© Sputnik / Табылды КадырбековКиши сомдук купюраларды берип жатат. Иллюстративдик сүрөт
Киши сомдук купюраларды берип жатат. Иллюстративдик сүрөт - Sputnik Кыргызстан, 1920, 25.02.2023
Жазылуу
Милиция учурда шылуундар ар кандай жолдор менен адамдарды азгырып, аягында алдап кетип жатканын белгиледи.
БИШКЕК, 25-фев. — Sputnik. Финансылык сабаттуулук төмөн болгондуктун кесепетинен көптөгөн жарандар алдамчылардын торуна түшүп калышы ыктымал. Ички иштер министрлиги мыйзамсыз схемаларга акча салуунун тобокелчиликтери тууралуу эскертти.
ИИМдин Кылмыш иликтөө башкы башкармалыгы көп киреше табууга убада берген күмөндүү сунуштар (алдамчылык) көбөйүп жаткандыгын белгиледи.
"Тез байып кетүү мүмкүнчүлүгү боюнча сунуштар менен алдап, ишенчээк адамдардардын акчасын алышат. Кандайдыр-бир нерселерге каражат салууга үндөп ойго келбеген убадалар менен азгырат. Эгер аз убакытта эле кирешеңизди олуттуу түрдө көбөйтүү сунуштаса, алар виртуалдык алдамчылар болушу мүмкүн. Жогорку кирешенин кепилдиктерине ишенүүнүн кереги жок", — деп эскерти милиция.
Ошондой эле ИИМ шылуундардын схемасын түшүндүрүп берди.
Telegram каналында кирешелүү инвестициялардын долбоорун жарнамалашууда. Шилтемени басуу менен кызыккан адам телеграм-ботко кирет. Ал жерден алар тез акча табууну сунуштап, ынандыра башташат. Алгачкы "халал" салым салуу 100 доллар экени көрсөтүлгөн.
Белгилүү бир аялдын атынан жүргүзүлгөн канал бар, анда ал тез жана жогорку кирешени убада кылат. Ийгиликтүү акча которуулар жөнүндө отчеттор чатта жарыяланып, видеолор жайгаштырылат. Анда ал тапкан акчасы үчүн мактанат. Андан соң бул аял каражаттар кайтарыла турганына кепилдик берип азгырат.
Мындай каналдар көп, алар жогорку кирешени убада кылып, аларды криптовалютага салууга көндүрүшөт.
Мисалы, Finiko компаниясы жогорку кирешелүү жана тез акча табууга ишендирип салымчыларды тарткан. Кирешенин скриншоттору алардын чатына тынымсыз жарыяланып турган, көптөр ишенишкен. Анан бул каржы пирамидасы кыйрады. Ага эл миллиондогон акчасын жумшады, бир нече миң салымчы каражатсыз калды.
Жогорку Кеңештин жыйыны. Архив - Sputnik Кыргызстан, 1920, 26.01.2023
Каржы пирамидасын жарнамалагандарды жазага тартуу демилгеси биринчи окуудан өттү
Жаңылыктар түрмөгү
0