Радиостудия Sputnik Кыргызстан в Бишкеке - Sputnik Кыргызстан, 1920
Радио

Кыргызстандыктар психологго үч маселе боюнча көп кайрылат. Тизме

© Sputnik / Асел АкматПсихолог Айдана Мадишова
Психолог Айдана Мадишова  - Sputnik Кыргызстан, 1920, 14.02.2023
Жазылуу
Психолог Айдана Мадишова адам өзүнөн көптү талап кылганда стресс болушу мүмкүн экенин айтты.
Психологго адамдар негизинен үч маселе боюнча көп кайрылат. Бул тууралуу Айдана Мадишова Sputnik Кыргызстан радиосунун эфиринде маек куруп жатып билдирди.
Кыргызстандыктар психологго үч маселе боюнча көп кайрылат. Тизме
Анын айтымында, көйгөйдүн башында ата-эне менен баланын мамилеси турат.
"Бизге негизинен үч маселе боюнча кайрылышат. Алардын сап башына ата-эне менен баланын мамилеси жана түшүнбөстүктөрү чыккан. Экинчи орунда айымдар менен мырзалардын мамилеси турат. Үй-бүлө курарда бири-биринен көп нерсе күтүп алганы кийинки жашоосунда көйгөй туудурушу мүмкүн. Мисалы, кыздар күн сайын жолдошунан гүл алып турам деп кыялданышат. Ушул сыяктуу эле мырзалардын да жубайынан күтүүсү болот. Анан кыялдар жана күтүүлөр орундалбай калганда конфликт жаралат. Ал эми үчүнчү орунда адамдардын өзүнөн же жашоодон болгон күтүүсү турат. Кыз-келиндер реалдуулуктан алыс максат коюп алып, ишке ашпай калса стресс, депрессияга тушугат. Мисалы, бирөө белгилүү бир убакыт ичинде 20 китеп окууну өзүнөн талап кылышы мүмкүн. Бирок ар кандай себептерден улам ниети ашпай калганда капа болуу эмоциясы жаралат. Адам көп учурда өзүнө байланышкан күтүүлөрү орундалбай калганда көңүлү сынат", — деди психолог.
Ал ошондой эле башкалардан болгон күтүүлөр да реалдуулукка жакын болгону дурусураак экенин кошумчалады.
Жаңылыктар түрмөгү
0