https://sputnik.kg/20230212/sapatsyz-kurulush-miyzam-dolbooru-zhoopkerchilik-1072819049.html
Депутат: үйүңүз урап түшсө эч ким жоопкерчилик албайт, мыйзам ошондой
Депутат: үйүңүз урап түшсө эч ким жоопкерчилик албайт, мыйзам ошондой
Sputnik Кыргызстан
Эл өкүлү курулушчулардын жоопкерчилигин күчөтүү үчүн алдамчылыкка бөгөт койгон мыйзам долбоорун иштеп чыгууда. 12.02.2023, Sputnik Кыргызстан
2023-02-12T16:03+0600
2023-02-12T16:03+0600
2023-02-12T16:03+0600
кыргызстан
дастан бекешев
курулуш
сапат
жоопкерчилик
мыйзам долбоору
https://sputnik.kg/img/07e6/01/13/1061352021_0:587:2597:2048_1920x0_80_0_0_c4deb77d980b3db91dddd830e00b0267.jpg
БИШКЕК, 12-фев. — Sputnik. Эгер үйүңүз урап түшсө, ал үчүн эч ким жоопкерчилик албайт. Мындай пикирин Бишкектеги башаламан курулуштарды иликтөөчү депутаттык комиссиянын мүчөсү Дастан Бекешев билдирди.Ал учурда комиссия карап жаткан ишти анализдеп, ушундай тыянак чыгарганын белгиледи.Анын айтымында, курулуш компанияларына жасалган ашыкча либерализмден улам ижарага алынган жерлерге үйлөрдү салып, курулушту баштабай туруп эле “абаны” сатып, сапаты жаман материалдарды колдонуп жатышат. Үй ээлерине алгач “бейишти” убадалап, бирок аягында көйгөйлөрдүн баарын өздөрүнүн башына үйүп кетип калышат.Бекешев белгилегендей, архитектура боюнча маморгандар көп сүйлөп, бирок иш кылбайт. Аларга жана курулуш компанияларына азыркыдай абалды кармап туруу пайдалуу.Депутат сапатсыз курулуш же элди алдагандардын жоопкерчилигин күчөтүү үчүн мыйзам долбоорун иштеп чыкканын айтты. Документ жакында коомдук талкууга коюлат. Ал учурдагы каралган жазаны күлкү келтирерлик деп эсептейт. Мисалы, курулуштагы этиятсыздыктан олуттуу залал келтирилсе болгону 50-100 миң сом айып салынат. Ал эми оор же өзгөчө оор зыян келтиргендер 100 миңден 200 миң сомго чейин айыпка жыгылып же беш жылга чейин эркинен ажыратылат.Белгилей кетсек, Түркия менен Сириядагы жер титирөөдөн кыйраган үйлөрдү көрүп кыргызстандыктар өлкөдөгү курулуштардын сапатына тынчсыздана башташты.
https://sputnik.kg/20230210/bishkekte-uylor-9-balldyk-zher-titiroogo-chydayt-1072780839.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, дастан бекешев, курулуш, сапат, жоопкерчилик, мыйзам долбоору
кыргызстан, дастан бекешев, курулуш, сапат, жоопкерчилик, мыйзам долбоору
Депутат: үйүңүз урап түшсө эч ким жоопкерчилик албайт, мыйзам ошондой
Эл өкүлү курулушчулардын жоопкерчилигин күчөтүү үчүн алдамчылыкка бөгөт койгон мыйзам долбоорун иштеп чыгууда.
БИШКЕК, 12-фев. — Sputnik. Эгер үйүңүз урап түшсө, ал үчүн эч ким жоопкерчилик албайт. Мындай пикирин Бишкектеги башаламан курулуштарды иликтөөчү депутаттык комиссиянын мүчөсү Дастан Бекешев билдирди.
Ал учурда комиссия карап жаткан ишти анализдеп, ушундай тыянак чыгарганын белгиледи.
“Көптөгөн мыйзамдык ченемдер эскирди, сапатсыз курулуштун жазасы айып пул менен эле чектелет, курулуш компанияларынын алдамчылыгынан коргой турган мамлекеттик орган жок. Ушундай ири жана жооптуу секторду чабал көзөмөл жүргүзгөн маморгандар менен ишкерлердин колуна карматып койгонбуз”, — деп жазды эл өкүлү.
Анын айтымында, курулуш компанияларына жасалган ашыкча либерализмден улам ижарага алынган жерлерге үйлөрдү салып, курулушту баштабай туруп эле “абаны” сатып, сапаты жаман материалдарды колдонуп жатышат. Үй ээлерине алгач “бейишти” убадалап, бирок аягында көйгөйлөрдүн баарын өздөрүнүн башына үйүп кетип калышат.
Бекешев белгилегендей, архитектура боюнча маморгандар көп сүйлөп, бирок иш кылбайт. Аларга жана курулуш компанияларына азыркыдай абалды кармап туруу пайдалуу.
Депутат сапатсыз курулуш же элди алдагандардын жоопкерчилигин күчөтүү үчүн мыйзам долбоорун иштеп чыкканын айтты. Документ жакында коомдук талкууга коюлат. Ал учурдагы каралган жазаны күлкү келтирерлик деп эсептейт. Мисалы, курулуштагы этиятсыздыктан олуттуу залал келтирилсе болгону 50-100 миң сом айып салынат. Ал эми оор же өзгөчө оор зыян келтиргендер 100 миңден 200 миң сомго чейин айыпка жыгылып же беш жылга чейин эркинен ажыратылат.
Белгилей кетсек, Түркия менен Сириядагы жер титирөөдөн кыйраган үйлөрдү көрүп кыргызстандыктар өлкөдөгү курулуштардын сапатына тынчсыздана башташты.
10 Бирдин айы 2023, 15:19
