Кыргызстанда эң төмөн пенсия 3 170 сом болду. Министрликтин маалыматы

© Sputnik / Константин Михальчевский / Медиабанкка өтүүКары аялдар. Архив
Кары аялдар. Архив - Sputnik Кыргызстан, 1920, 30.01.2023
Жазылуу
Өткөн жылдын 11 айынын ичинде Соцфондго бөлүнгөн каржынын көлөмү 2021-жылдын ушул мезгилине салыштырмалуу 42,3 пайызга же 8 729 миллион сомго көбөйгөн.
БИШКЕК, 30-янв. — Sputnik. Кыргызстанда пенсиянын базалык бөлүгү пенсионерлердин бардык категориялары үчүн 1 780 сомдон 3 170 сомго көбөйтүлдү. Бул өткөн жылдын сентябрында кабыл алынган "2022-жылдын 1-октябрынан тартып пенсиянын базалык бөлүгүнүн өлчөмүн белгилөө жөнүндө" токтомунун негизинде жогорулатылды. Бул тууралуу Финансы министрлиги маалымдады.
Министрлик ошондой эле 2022-жылдын 11 айы үчүн Социалдык фондго пенсиялык камсыздоого республикалык бюджеттен 29 352,3 миллион сом бөлүнгөндүгүн кабарлады.
Бул сумманын ичинен:
18,867,5 миллион сом — пенсиянын базалык бөлүгүн каржылоого;
2 009,8 миллион сом — электр энергиясы үчүн компенсациялык төлөмдөрдү каржылоого;
4 204 миллион сом — аскер кызматчыларынын пенсиялык камсыздоосун каржылоого;
3 989,8 миллион сом — калктын айрым категорияларын жеңилдетилген пенсия менен камсыздоого жана (көп балалуу энелерге жана бала кезинен майыптардын энелерине, бийик тоолуу шарттарда иштегендиги үчүн, алыскы жана барууга кыйын аймактарда жашагандарга) пенсияларга кошумча төлөмдү каржылоого;
281,2 миллион сом — Баткен облусунун өзгөчө статусу бар чек арага жакын аймактарында туруктуу жашаган пенсионерлердин пенсиясына компенсациялык төлөм үчүн бөлүнгөн.
Маалыматка ылайык, 2021-жылдын ушул мезгилине салыштырмалуу Социалдык фондго трансферттердин көлөмү 42,3 пайызга же 8 729 миллион сомго көбөйгөн. Мындай көрсөткүч негизинен демографиялык өзгөрүүлөргө (пенсия алуучулардын санынын көбөйүшү) жана Баткен облусунун пенсияларына компенсациялык төлөмдөр берилип башталгандыгына байланыштуу экендиги айтылды.
Пожилая женщина с монетами в руках. Архивное фото - Sputnik Кыргызстан, 1920, 14.12.2022
Соцфонддун реформасынан кийин эң төмөнкү пенсия 3 170 сом болот
Жаңылыктар түрмөгү
0