Радиостудия Sputnik Кыргызстан в Бишкеке - Sputnik Кыргызстан, 1920
Радио

Кытайда "Кыргыз почтасынын" филиалы ачылат

© Sputnik / Асылбек Бактыбеков"Кыргыз почтасы" ачык акционердик коомунун башкаруучулугунун төрагасы Марат Черикчиев
Кыргыз почтасы ачык акционердик коомунун башкаруучулугунун төрагасы Марат Черикчиев - Sputnik Кыргызстан, 1920, 23.01.2023
Жазылуу
"Кыргыз почтасы" ачык акционердик коомунун башкаруучулугунун төрагасы Марат Черикчиев ишкананы эл аралык денгээлге чыгарып, рейтингин жакшыртууга алгылыктуу кадамдар жасалып жатканын айтты.
"Кыргыз почтасы" быйыл Кытайдын Кашкар аймагында филиалын ачат. Бул товарларды алып келүүдө, ташууда бир топ ыңгайлуулукту жаратат. Бул тууралуу Марат Черикчиев Sputnik Кыргызстан радиосуна маек куруп жатып билдирди.
Кытайда "Кыргыз почтасынын" филиалы ачылат
Анын айтымында, чет мамлекеттерде "Кыргыз почтасынын" кеңселерин ачуу менен электрондук коммерциянын жакшырышына чоң жол ачылат.
"Учурда "Кыргыз почтасын" эл аралык деңгээлге көтөрүп, рейтингин жакшыртууга болгон аракеттер көрүлүүдө. Электрондук коммерция боюнча Кытай дүйнөдө лидер өлкө. Биз муну көп жагынан туура колдонуп, чектеш мамлекет катары кызматташууга баруудабыз. Мисалы, быйыл Кашкарда филиалыбызды ачуу пландалууда. Бул логистикалык иштердин жакшырышына алып келип, товар ташуу, жеткирүү кыска мөөнөттө дарегине жетип калат. Алсак, "Алибаба" маркетплейсинен товарга буйрутма берсек 60 күндүн ичинде келсе, эми 10-15 күндө жеткирилет. Былтыр жайында эки тараптуу келишимге кол коюлган, Кыргызстандын почта жүктөрү ал жакта чогултулуп, бизге келет", — деди Черикчиев.
Ошондой эле адис эл аралык уюмдардын колдоосу менен "Кыргыз почтасы" ишканасынын автопаркын жаңыртуу, кеңселерди жакшыртуу, техникалык жабдыктар менен камсыздоо иштерине көңүл бурулуп жаткандыгын кошумчалады.
Жаңылыктар түрмөгү
0