Россия нефтисин импорттоого салынган тыюудан Германия жабыркаганы айтылды

© Sputnik / Максим Богодвид / Медиабанкка өтүүМунай казуучу станция. Архив
Мунай казуучу станция. Архив - Sputnik Кыргызстан, 1920, 12.01.2023
Жазылуу
НовостиTelegram
Евробиримдиктин Россиянын нефтисине койгон эмбаргосу 5-декабрдан тарта күчүндө.
БИШКЕК, 12-янв. — Sputnik. Россия нефтисин импорттоого салынган тыюудан Германиянын экономикасы катуу жабыркаганын Кытайдын CCTV телеканалы айтып чыкты. Бул тууралуу РИА Новости жазды.
Маалыматта Берлин башка мамлекеттер менен тыгыз байланышта болсо да мунай запасын толтура албай жатканы айтылган. Транзит Россиянын "Дружба" нефть түтүгү аркылуу өтөт, натыйжада Берлин баары бир Москва менен сүйлөшүүгө аргасыз.
Өлкө бийлигинин чийки нефтинин жетишсиздигин жоюу боюнча майнапсыз аракеттери элдин эле эмес, өкмөт өкүлдөрүнүн да нааразычылыгын туудурууда.
"Келечек бүдөмүк", — деп жазган CCTV.
Белгилей кетсек, Евробиримдиктин Россия нефтисине киргизген эмбаргосу менен баррелин 60 доллардан ашырбаган чектөөсү 5-декабрдан тарта күчүндө. Мындай чектөөлөрдүн деңиз аркылуу болчу транзитке тиешеси жок, башкача айтканда, "Дружба" түтүгү бул эрежеден тыш.
Декабрдын соңунда РФ президенти Владимир Путин нефть жана нефть продуктуларынын баасына киргизген чектөөлөргө жооп кайтаруу боюнча жарлыкка кол койгон. Документ баанын чеги көрсөтүлгөн келишимдин негизинде мунай жеткирүүгө тыюу салат. Бирок өлкө башчы айрым учурда экспортко уруксат бериши мүмкүн экендиги да көрсөтүлгөн.
"Транснефть" 29-декабрь күнү "Казтрансойлдан" 2023-жылы Германияга 1,2 миллион тонна нефть жеткирүү үчүн "Дружба" нефть түтүгүнөн кошумча кубаттуулук сураганын кабарлаган. Кийинчерээк билдирме жөнөткөнүн казак тарап да ырастады. Ал эми вице-премьер Александр Новак аталган демилгени колдоого Россия даяр экенин билдирген.
Россиянын борбордук банкы. Архивдик сүрөт - Sputnik Кыргызстан, 1920, 02.01.2023
Батышта Россия экономикасынын бекемдигинин үч себеби айтылды
Жаңылыктар түрмөгү
0