Бакетаев: КМШны толугу менен капиталдык оңдоп-түзөөдөн өткөрүү зарыл
© Sputnik / Асел Акмат
Жазылуу
Саясий серепчи Бакыт Бакетаев КМШ ичинде интеграцияны тездетүү зарылдыгын белгиледи.
СССР тарагандан кийин көз карандысыздыктын жемишин саясатчылар эле көрбөсө, таасирин эл сезбей жатат. Мындай пикирди Бакыт Бакетаев Sputnik Кыргызстан радиосуна маек куруп жатып билдирди.
Бакетаев: КМШны толугу менен капиталдык оңдоп-түзөөдөн өткөрүү зарыл
Анын айтымында, КМШ мамлекеттерин интеграциялоо үчүн Евросоюздун моделин колдонуу зарыл.
"Иштеп жаткан автотранспортту бирөө дөңгөлөгүн, экинчиси моторун, башкасы кузовун алган сыяктуу. Союз тарагандан кийин бир мамлекетти бир канча республика бөлүп алдык. 31 жылдан бери мына ошол мамлекетти чогулта албай жатабыз. Себеби учурунда президенттер "элге эгемендүүлүк керек, көз карандысыз болобуз" деп жомокторду айтышкан. Натыйжада карапайым эл кайсы жагынан көз карандысыз болгонун түшүнбөй жатат. Мурда СССР ичинде жарандар чек арасы жок кыдырып, иштеп, саякаттап, окуй алчу. Азыр ошол эле өлкөлөргө барыш үчүн виза, уруксат керек. Ошол кездеги саясатчылар, алардын айланасындагылар гана байып, карапайым эл эч нерсеси жок калды. Көрсө, эгемендүүлүктүн жемишин ошол саясатчылар эле көрүптүр, ал эми карапайым калк анын таасирин жакшы сезбей жатат. Мисалы, Евробиримдикте эл уюм ичинде тоскоолдуксуз каттап, иштеп, окуп жатат. Ал эми бизде мигранттар Россияда кыйналууда. Өлкөдө аларды иш менен камсыздоо үчүн жумуш жок. Эгемендүү болобуз деп, жыйынтыгында көз каранды болуп калдык. Ишкерлер башка мамлекеттерге чыгууда кыйналып жатышат. Ал эми интерграциялык процесстер президенттердин аракетине карабастан аябай жай жүрүүдө. Эмдиги жылы КМШга төрагалык кылуу Кыргызстанга өтөт. Аталган институтту аталышынан тартып толугу менен оңдо-түзөөдөн өткөрүп, интеграциялык процесстерди тездетүү зарыл", — деди Бакетаев.
Ошондой эле ал интеграциянын жай жүрүп жатканын президенттердин саясий эркинин жетишсиздиги менен байланыштырды.
