Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

ЖМК: Украина АКШнын жардамы жок Россияга бир ай да туруштук бере албайт

© AP Photo / Nariman El-MoftyКиевдеги Майдан аянтындагы Эгемендүүлүк монументинин алдындагы көпүрөдө АКШнын желеги илинип турат
Киевдеги Майдан аянтындагы Эгемендүүлүк монументинин алдындагы көпүрөдө АКШнын желеги илинип турат - Sputnik Кыргызстан, 1920, 18.10.2022
Жазылуу
Автордун пикиринде, Зеленскийдин өкмөтү толугу менен АКШ жана НАТОнун саясий, финансылык жана аскердик жардамынан көз каранды.
БИШКЕК, 18-окт. — Sputnik. Украина АКШ жана НАТОнун аскердик колдоосу жок Россияга бир ай да туруштук бере албайт. Бул тууралуу Американын National Interest журналынын башкы директору Дмитрий Саймстын айтканына таянып РИА Новости жазды.
"Владимир Зеленскийдин өкмөтү толугу менен АКШ жана НАТОнун саясий, финансылык жана аскердик жардамынан көз каранды жана ага муктаж. Ансыз Украина Россияга бир ай да туруштук бере алмак эмес", — деген Саймс.
Макаланан автору Жо Байдендин администрациясынын Киевге Москва менен Вашингтондун Украинага байланыштуу каалаган келишимине вето коюу укугун берүү чечиминен күмөн санаган.
"Тез эле тутанып кетиши мүмкүн болгон чыр-чатакты дипломатиялык жол менен чечүүгө аракет кылбай НАТО Украинаны канча керек болсо ошончо убакыт колдошу зарыл деген нерсенин өзү чоң ката болмокчу", — деди басылманын директору.
Буга чейин Россия НАТО Украинага курал-жарак жеткиргени үчүн альянска нота жөнөткөн. Атайын операциянын фонунда АКШ жана анын НАТОдогу өнөктөштөрү Украинага курал-жарак ташууну улантууда. Вашингтон Киев бийлигине аскердик жардам үчүн миллиарддаган доллар бөлүп жатат. Ал эми Москва курал-жарак жеткирүү жаңжалды ырбатарын айтып келет.
Украинанын аскер кызматкери. Архив - Sputnik Кыргызстан, 1920, 03.10.2022
НАТОдогулар альянстын Киевге жардам берүүдөн баш тарткан себебин түшүндүрдү
Жаңылыктар түрмөгү
0