Садыр Жапаров азербайжандык инвесторлорду чакырып, ыңгайлуу шарттарды убадалады

© Фото / пресс-служба правительства / Улукбек ШамбетовМамлекет башчы Садыр Жапаров
Мамлекет башчы Садыр Жапаров - Sputnik Кыргызстан, 1920, 11.10.2022
Жазылуу
НовостиTelegram
Жапаров мамлекеттер аралык мамилелерди бийик деңгээлде кармоого ынтызарлыгын белгиледи.
БИШКЕК, 11-окт. — Sputnik. Азербайжандын президенти Ильхам Алиевдин Кыргызстанга болгон мамлекеттик сапарынын алкагында эки өлкөнүн ортосундагы мамлекеттер аралык кеңештин биринчи отуруму болуп өттү. Бул тууралуу президенттин маалымат кызматы билдирди.
Жыйында сөз сүйлөгөн мамлекет башчы Садыр Жапаров Азербайжан делегациясынын келишин кубаттап, бул сапарга эки өлкөнүн ортосундагы стратегиялык өнөктөштүктүн логикалык уландысы катары өзгөчө маани берерин белгиледи.
"Биздин алдыбызда стратегиялык максаттарды жана иш-аракеттер алгоритмин, ошондой эле келечектеги мамилелерибиздин багыттарын, мазмунун жана мүнөзүн аныктоо милдети турат. Биз мамлекеттер аралык мамилелерди бийик деңгээлде кармоого, кызматташуунун механизмдери боюнча бардык алака-катыштарды ыкчамдатууга даярбыз", — деди Жапаров.
Ошондой эле президент Азербайжандын бизнес коомчулугун Кыргызстанга чакырып, аларды коргоого кепилдик берип, эң ыңгайлуу шарттар түзүлөрүн убадалаган.
Азербайжандын президенти Ильхам Алиев Ата-Бейит улуттук тарыхый-мемориалдык комплексине барды - Sputnik Кыргызстан, 1920, 11.10.2022
Илхам Алиев "Ата-Бейитке" барып, Айтматовдун бейитине гүл койду. Сүрөт
Жаңылыктар түрмөгү
0