Киев менен колдоочуларынын кулагына күмүш сырга. Путиндин сөзүнүн урунттуу учурлары
21:55 30.09.2022 (Жаңыртылды: 21:56 30.09.2022)
© Sputnik / Григорий Сысоев
/ Жазылуу
БИШКЕК, 30-сен. — Sputnik. Бүгүн Кремль сарайында Донбасс, Запорожье жана Херсон облустарынын Россиянын курамына кирүү боюнча келишимге кол коюлду. Салтанатта өлкө башчысы Владимир Путин сүйлөдү.
Төмөндө анын урунттуу делген учурлары:
Россия СССРди кайра курууга умтулбайт.
ДЭР, ЛЭР, Запорожье жана Херсондун тагдыры Россияныкы менен бир. Жаңы региондордун жашоочулары мамлекеттин колдоосуна ээ болот, алардын коопсуздугу кепилденет.
Батыш доллар жана технологиялык диктаттын аркасы менен дүйнөнү карактаган неоколониалдык системаны сактап калуу үчүн баарына даяр.
НАТОну чыгышты карай кеңейтпөө убадасы карандай калп болуп чыкты.
Россия ата менен эненин ордуна “1чи, 2чи, 3чү ата-эне” дегенди жана эркек менен аялдан башка дагы жыныс болушун кабыл албайт.
Элдин курсагын евро менен доллар тойгузбайт, азык-түлүк керек.
“Түндүк агымдын” түтүгүн жардырып англосактар диверсияга өтүштү.
Батыштын эрежеси боюнча саясий мазохисттер менен эл аралык мамилелердин салтка жатпаган формаларына ыктагандар гана күн көрүшү керек.
Киев бийлиги жана анын колдоочуларынын кулагына күмүш сырга: Луганск, Донецк, Херсон жана Запорожьеде жашаган адамдар биздин жарандар. Түбөлүккө.
Путин Киевди атышууну токтотуп, сүйлөшүүгө чакырды, бирок референдумдардын жыйынтыгы талкууланбай турганын белгиледи.
