Кыргыз-тажик чек арасынан алынчу застава менен посттор. Карта

Жазылуу
Кыргызстан менен Тажикстандын тиешелүү органдары 25-сентябрда жолугушуп, эки өлкөнүн чек арасына жакын жайгашкан застава, постторду толугу менен алып салууну макулдашты. Sputnik Кыргызстан агенттиги алардын жайгашкан жерин көрсөтүп берет.
Эки тараптуу сүйлөшүүлөрдүн жыйынтыгы боюнча чек ара аймактарындагы кырдаалды турукташтыруу максатында протоколго кол коюлду. Ага ылайык, кыргыз тарап "Тамдык" заставасын, "Булак-Башы", "Катта-Туз", "Ак-Сай" постторун, тажик тарап "Бедак" заставасын, "Кех", "Каракчикум", "Шаршара" постторун алып салышат. Аталган бөлүктөрдүн имараттары, курулмалары консервацияланат.
Улуттук коопсуздук мамлекеттик комитетинин төрагасы Камчыбек Ташиев алардын алынышы боюнча буларды билдирди.
"Төрт заставанын алынышы жергиликтүү элдин макулдугу менен болду. Аларды эки тарап алуусуна буга чейин улам-улам кайталанып келген ар кыл деңгээлдеги чыр-чатактар себеп болду. Анткени бул заставалар эки тараптан тең бетме-бет турчу. Алардын арасында ортосундагы аралык 50 метрди түзгөнү бар. Аскерлер бири-бири менен бир аз айтыша кетсе эле атышып жатып калышат. Анан "сен биринчи баштадың, жок сен биринчи ок чыгардың" деп бири-бирибизди күнөөлөп калабыз. Башкача айтканда, эки тараптын заставаларынын өтө жакын жайгашуусу кырдаалдын курчушуна себеп болуп келген", — деди Ташиев.
Ал эми мамлекеттик чек араны кайтаруу кыймылдуу чек ара кезметтери менен жүргүзүлөт. Аскер кызматкерлери чек араны бойлой көрсөтүлгөн, макулдашылган маршруттар боюнча жүрөт. Андан сырткары, тараптар жаңжалдуу кырдаалдар көп болуп келген тилкелерге видеобайкоо камераларын орнотууну макулдашты.
Тема боюнча:
Тажикстандын Кыргызстанга кол салышы: кесепети, кээри. Инфографика
Баткендеги кол салуудан талкаланган имараттардын саны. Инфографика
Жаңылыктар түрмөгү
0