https://sputnik.kg/20220831/sadyr-zhaparov-ehl-kuttuktoo-1067387976.html
Эгемендиктен өткөн бакыт да, байлык да жок! Садыр Жапаров кыргыз элин куттуктады
Эгемендиктен өткөн бакыт да, байлык да жок! Садыр Жапаров кыргыз элин куттуктады
Sputnik Кыргызстан
Өлкө башчы Эгемендүүлүк майрамын мындан кийин ар жылы, ар бир дубанда чоң салтанат менен өткөрүүнү салтка айлантуу ниети бар экенин белгилеген. 31.08.2022, Sputnik Кыргызстан
2022-08-31T10:55+0600
2022-08-31T10:55+0600
2022-08-31T11:03+0600
кыргызстан
садыр жапаров
куттуктоо
кыргызстандын эгемендүүлүк күнү
https://sputnik.kg/img/07e6/08/1f/1067406920_0:0:3073:1728_1920x0_80_0_0_636381bf2889ea471abe9a0346ef656e.jpg
БИШКЕК, 31-авг. — Sputnik. Мамлекет башчы Садыр Жапаров кыргызстандыктарды өлкөнүн көз карандысыздыгынын 31 жылдыгы, Эгемендүүлүк күнү менен куттуктаганын президенттин маалымат кызматы билдирди.Өлкө башчы кыргыз эли улуттук руху менен күчтүү экенин айтып, ириде тарыхы бай, эне тили көркөм, деми күчтүү, нарк билги, эркиндикти туу туткан эгемендүү эл экенин белгилеген.Ал мындан кийин Эгемендүүлүк майрамын ар жылы ар бир дубанда чоң салтанат менен өткөрүүнү салтка айлантуу ниети бар экенин белгилеген."Мындай кадам өлкөнүн бардык аймактарында жашаган элибиздин ынтымагын арттырат, биримдигин бекемдейт, карым-катнашын күчөтөт. Албетте, 3 000 жылдан ашкан тарыхыбызда 31 жыл бир көз ирмемдей эле мезгил. Узак тарыхыбызда кээде жылдызыбыз жанып, улуу каганат куруп көккө сермелдик. Кээде эркиндигибизди алдырып, чачырап кете жаздаган, азып-тозгон абалды башыбыздан кечирдик. Айтор, тарыхтын эчендеген сыноолоруна кабылдык. Ошентсе да карт тарыхта кыргыз менен үзөңгүлөш жашаган далай эл бүгүн жок, алардын аталыштары гана тарых беттеринде калды. Көкүрөгүбүзгө сыймык уялап турган ушул күнү Кыргызстандын эркиндигин эңсеп-тилеп, ал үчүн жан аянбай тынымсыз күрөшүп келген ата-бабаларыбыздын эрдигин жана элесин эстен чыгарбайбыз. Эл-жердин көз карандысыздыгы үчүн канын, жанын аябай күрөшкөн Байтик баатыр сыяктуу бабаларыбызды эскерүү, алардын Ата Журтка кылган кызматын кийинки муундарга чыпчыргасын коротпой жеткирүү мойнубуздагы ыйык парзыбыз", — деп жазылат президенттин куттуктоосунда.Белгилей кетсек, майрамга карата Чуңкурчак жайлоосунда бийиктиги 31 метр болгон желек орнотулду.
https://sputnik.kg/20220831/putin-sadyr-zhaparovdu-kuttuktady-1067386139.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, садыр жапаров, куттуктоо, кыргызстандын эгемендүүлүк күнү
кыргызстан, садыр жапаров, куттуктоо, кыргызстандын эгемендүүлүк күнү
Эгемендиктен өткөн бакыт да, байлык да жок! Садыр Жапаров кыргыз элин куттуктады
10:55 31.08.2022 (Жаңыртылды: 11:03 31.08.2022) Өлкө башчы Эгемендүүлүк майрамын мындан кийин ар жылы, ар бир дубанда чоң салтанат менен өткөрүүнү салтка айлантуу ниети бар экенин белгилеген.
БИШКЕК, 31-авг. — Sputnik. Мамлекет башчы Садыр Жапаров кыргызстандыктарды өлкөнүн көз карандысыздыгынын 31 жылдыгы, Эгемендүүлүк күнү менен куттуктаганын президенттин маалымат кызматы билдирди.
Өлкө башчы кыргыз эли улуттук руху менен күчтүү экенин айтып, ириде тарыхы бай, эне тили көркөм, деми күчтүү, нарк билги, эркиндикти туу туткан эгемендүү эл экенин белгилеген.
"Биздин эң башкы байлыгыбыз – эгемен мамлекетибиз, эгемен элибиз. Мындан өткөн байлык да, бакыт да жок! Быйыл эгемендүүлүктүн 31 жылдыгын берекелүү Сары-Өзөн – Чүй өрөөнүндөгү кереметтүү Чуңкурчак жайлоосунда салтанаттуу белгилеп, 31 метрлик туубузду тоо башына көкөлөтүп жатабыз. Кызыл туубуз кылымдарды карыткан тарыхта дагы, азыркы жашап жаткан заманыбызда дагы биримдиктин, ынтымактын тиреги болуп келди. Кыргызда ар дайым ийгиликке, жеңишке жеткенде туусун бийик көтөрүп, ага таазим кылып келген. Байрагыбыз бийик желбиреп турса, элибиздин мекенге болгон сүйүү жана атуулдук сезими артат. Себеби атуулдук ариетибиз да, ар намысыбыз да кызыл туубуз менен бир катарда турат", — деген Жапаров.
Ал мындан кийин Эгемендүүлүк майрамын ар жылы ар бир дубанда чоң салтанат менен өткөрүүнү салтка айлантуу ниети бар экенин белгилеген.
"Мындай кадам өлкөнүн бардык аймактарында жашаган элибиздин ынтымагын арттырат, биримдигин бекемдейт, карым-катнашын күчөтөт. Албетте, 3 000 жылдан ашкан тарыхыбызда 31 жыл бир көз ирмемдей эле мезгил. Узак тарыхыбызда кээде жылдызыбыз жанып, улуу каганат куруп көккө сермелдик. Кээде эркиндигибизди алдырып, чачырап кете жаздаган, азып-тозгон абалды башыбыздан кечирдик. Айтор, тарыхтын эчендеген сыноолоруна кабылдык. Ошентсе да карт тарыхта кыргыз менен үзөңгүлөш жашаган далай эл бүгүн жок, алардын аталыштары гана тарых беттеринде калды. Көкүрөгүбүзгө сыймык уялап турган ушул күнү Кыргызстандын эркиндигин эңсеп-тилеп, ал үчүн жан аянбай тынымсыз күрөшүп келген ата-бабаларыбыздын эрдигин жана элесин эстен чыгарбайбыз. Эл-жердин көз карандысыздыгы үчүн канын, жанын аябай күрөшкөн Байтик баатыр сыяктуу бабаларыбызды эскерүү, алардын Ата Журтка кылган кызматын кийинки муундарга чыпчыргасын коротпой жеткирүү мойнубуздагы ыйык парзыбыз", — деп жазылат президенттин куттуктоосунда.
Белгилей кетсек, майрамга карата Чуңкурчак жайлоосунда
бийиктиги 31 метр болгон желек орнотулду.
