Радиостудия Sputnik Кыргызстан в Бишкеке - Sputnik Кыргызстан, 1920
Радио

Аманатов: санарип документтерге укуктук макам берилет

© Sputnik / Табылды КадырбековСанариптик өнүктүрүү министрлигине караштуу "Түндүк" мамлекеттик мекемесинин директору Чыңгыз Аманатов
Санариптик өнүктүрүү министрлигине караштуу Түндүк мамлекеттик мекемесинин директору Чыңгыз Аманатов - Sputnik Кыргызстан, 1920, 16.08.2022
Жазылуу
Санариптик өнүктүрүү министрлигине караштуу "Түндүк" мамлекеттик мекемесинин директору Чыңгыз Аманатов санариптик документтердин артыкчылыгын тизмектеп берди.
Кыргызстанда 2021-жылдын 13-сентябрында электрондук санариптик документтер сыноодон өткөрүлө баштаган. Учурда сыноо режиминде паспорт, айдоочунун күбөлүгү, транспорт каражатын каттоо күбөлүгү, пенсионердин күбөлүгү жана эмдөө күбөлүгү жеткиликтүү. Бул тууралуу Чыңгыз Аманатов Sputnik Кыргызстан радиосунун эфиринде маек куруп жатып билдирди.
Аманатов: санарип документтер кагаз документтерди жокко чыгарбайт
Анын айтымында, документтердин санариптик версиясынын негизги артыкчылыгы — колдонуунун жеңилдиги жана убакыттын үнөмдөлүшү.
"Санариптик документтер" кызматы Tunduk мамлекеттик порталынын мобилдик тиркемеси аркылуу укук коргоо орандарына, мамлекеттик кызматтарды колдонууда санариптик паспортун, санариптик айдоочулук күбөлүгүн жана транспорт каражатын каттоо күбөлүгүн смартфондон эле ачып көрсөтүү мүмкүнчүлүгүн берет. Уюлдук телефондо санариптик айдоочулук жана транспорт каражатын каттоо күбөлүгү кадимки документтей көрүнүп, QR-код жана бир жолу колдонулуучу сыр сөз камтылат. Процесс коопсуз жана үчүнчү жактардын алдамчылык аракеттерин алдын алат. Бир жолу колдонуучу сыр сөз автоматтык түрдө жаңыртылып берилип турат. Жакында санариптик документтерге укуктук статус берилип, анын макамы кадимки кагаз түрүндөгү документтерге теңелет. Бул кызматты колдонуу үчүн калкты тейлөө борборунан электрондук санариптик кол тамганы алуу (акысыз) зарыл. Андан соң App Store же Play Market дүкөндөрүнөн Tunduk тиркемесин жүктөп алып, булуттагы электрондук санариптик кол тамганы колдонуу менен мобилдик тиркемеге киресиз. Арызда "санариптик документтер" бөлүмүнө өтүп, документти тандап жана бөлүшүү керек. Телефондун экранында пайда боло турган PIN жана кыска кодду жазасыз", — деди Аманатов.
Ал санарип документтерди колдонуу кагаз түрүндөгү документтерди жокко чыгарбай турганын, эгерде кагаз документ жоголсо, санарип документтер да колдонууга жараксыз болуп каларын кошумчалады.
Жаңылыктар түрмөгү
0