Талантбеков: кедик сөзү бою кичине, чабал, арык дегенди түшүндүрөт
Талантбеков: кедик сөзү бою кичине, чабал, арык дегенди түшүндүрөт
Жазылуу
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздүн маанисин чечмелеп берди.
Кедик сөзү бою кичине, чабал, арык деген маанини түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
© Sputnik / Асель Сыдыкова
Анын айтымында, бул сөз окуянын жүрүшүнө, сүйлөмдүн маанисине жараша башка дагы мааниге ээ болушу ыктымал.
""Манаста" бою кичине, чабал, арык деген маанини берген кедик деген сөз кездешет. Ал көбүнчө жаныбарларга карата колдонулат. Мисалы, "Кедик койдун тармал жүн, тасмалдатып кырктырып, таза жерге жыктырып, келинге кесе бастырып, кызга кыя тиктирип" деп Манастын калпагын, жоо кийимдерин жасоодо ак койдун таза, сапаттуу жүнүн кедик койго тиешелүү кылып айтылганы бар. Бирок бул жагдайда чабал, арык деген маани туура эмес болот. Жайлоого, күздөөгө же олжого тийүүдө кездешсе окуянын жүрүшүнө жараша чечмеленет. Бирөөндө аркы, чабалды түшүндүрсө, дагы бир мааниде жүнү таза кой дегенди билдирет. Калпак жасоо учурда жакшы колго алынып калды. Ошондо кедик койдун жүнүн колдонуу дегенди киргизип койсо ашыкча болбойт", — деди Талантбеков.
Ошондой эле ал көөнө сөздөрдү күнүмдүк турмушта колдонуу зарылчылыгын кошумчалады.
