Асанов: ӨКМде куткаруучу-химик-дозиметрист, медицина кызматкерлери жетишсиз
10:44 01.07.2022 (Жаңыртылды: 12:14 01.07.2022)
© Sputnik / Асель Сыдыкова
Жазылуу
ӨКМдин Жарандык коргонуу башкы башкармалыгынын башчысы, полковник Алмаз Асанов куткаруучуларды даярдоо, окутуу борборлорунун иши тууралуу айтып берди.
1-июль – Кыргызстандын куткаруучуларынын кесиптик майрамы. Быйыл куткаруучулар бөлүмүнүн түзүлгөнүнө 31 жыл толду.
54 мамлекет кирген Эл аралык жарандык коргонуу уюмуна Кыргызстан да мүчө. Ошол мамлекеттерден келген куткаруучулар КР ӨКМинин окутуу борборлоруна келип даярдыктан өтүп, квалификациясын жогорулатып турушат. Бул үчүн келишим түзүлүп, акча бөлүнгөн. Өз кезегинде биздин адистер да чет мамлекетке барып окуп келишет. Бул тууралуу Алмаз Асанов Sputnik Кыргызстан радиосунда маек куруп жатып билдирди.
Асанов: ӨКМде куткаруучу-химик-дозиметрист, медицина кызматкерлери жетишсиз
Анын айтымында, Өзгөчө кырдаалдар министрлигинин адистери кыйын кырдаалдарда иштөөгө жана алардын кесепеттерин жоюуга психологиялык жактан даярдалып турат.
"Өзгөчө кырдаалдар министрлигинин куткаруучулары "Коргоо. Сактоо. Жардам!" ураанынын алдында иштеп келет. Биздин кесип абдан татаал, ошону менен бирге эң гумандуу жумуштардын бири. Беловодское айылында жайгашкан Куткаруучуларды даярдоо мамлекеттик борбору табигый жана техногендик мүнөздөгү өзгөчө кырдаалдардын кесепеттерин жоюу үчүн Өзгөчө кырдаалдар министрлигинин аскердик түзүмдүк бөлүмүн, ошондой эле 1, 2, 3-класстагы куткаруучуларды даярдоо, кайра даярдоо, квалификациясын жогорулатуу боюнча окутула турган түзүм. Ал жерге "Кумтөр" алтын кенинин куткаруучуларынын тобу келип окуп жатышат. Ошондой эле жарандарды коргоонун адистерин даярдоо жана кайра даярдоо, Ысык-Көлдөгү суудан куткаруучу, суучулдарды даярдоо борбору жана өрт өчүрүүчүлөрдү даярдоо борборлору бар. Бүгүнкү күндө суучулдарды даярдоо борборунда пансионаттардан келген 10дон ашык суудагы кырсыктардан куткаруучу жана кошумча 168 суучул, 8000ден ашык жарандарды коргоонун адиси даярдалды. Пландын негизинде адистер окуудан өтүп, алар жыл сайын квалификациясын жогорулатат. Биздин Жарандык коргонуу башкы башкармалыгынын адистерди даярдоо боюнча атайын борборунан башка бейөкмөт уюмдар да куткаруучуларын даярдыктан өткөрүп, сертификаттарын алышат. Ошондой эле аталган борбордун элди окутуу багыты да бар. Дүйнөдөгү 54 мамлекет кирген Эл аралык жарандык коргонуу уюмуна Кыргызстан дагы мүчө. Ошол мамлекеттерден келген куткаруучулар КР ӨКМинин окутуу борборлоруна келип даярдыктан өтүп, квалификациясын жогорулатып турушат. Бул үчүн келишим түзүлүп, акча каражаттары бөлүнгөн", — деди Асанов.
Ал башка мамлекеттердегидей эле Кыргызстандын ӨКМде куткаруучу/химик-дозиметрист, медицина кызматкерлери жетишсиз экенин кошумчалады.
