Иштебей эле акча тапкыңыз келеби? Финансисттин пассивдүү киреше боюнча кеңеши

© Sputnik / Жоомарт УраимовАкча санап жаткан адам. Архив
Акча санап жаткан адам. Архив - Sputnik Кыргызстан, 1920, 24.06.2022
Жазылуу
Yandex newsTelegram
Пассивдүү киреше — бул күнүмдүк иш-аракеттерден көз карандысыз кирешенин түрү.
БИШКЕК, 24-июн. — Sputnik. Пассивдүү киреше таап, аз иштеш үчүн адам эмне кылышы керек? Бул суроого РИА Новости агенттигине берген маегинде финансы маселелери боюнча адис, ишкер Елена Парий жооп берди.
Алгач пассивдүү киреше деп эмнени айтарыбызды түшүнүп алалы. Бул күнүмдүк иш-аракеттерден көз карандысыз кирешенин түрү. Башкача айтканда, бул акчалар капчыкка түшүүсү үчүн сиз ушул тапта эч нерсе кылбайсыз.
"Анткен менен пассивдүү киреше түшө баштаганга чейин киши катуу иштеши керек. Тагыраак айтканда, ири суммадагы каражат чогултуп, аны кайсы бир ишке же банкка депозит катары салуу кажет. Бирок акча жөн жатпай, киреше алып келиши үчүн адистерден кеңеш алып, туура багытка жумшоо зарыл. Учурда финансылык консультанттар аз эмес", — деди Парий.
Ошондой эле адис кандай гана максатта акча чогултпайлы, баарынан биринчи каржылык коопсуздук жаздыкчасын даярдап алуу керектигин айтат. Ал тууралуу буга чейин жазганбыз.
Мындан тышкары, адис финансылык пирамидалардан оолак болууну эскертет. Анын айтымында, учурда финансылык сабаты жок адамдар арасында чогулткан бир аз тыйынын шылуундарга алдырып ийгендер өтө көп.
Диванда отурган адам. Иллюстративдик сүрөт - Sputnik Кыргызстан, 1920, 23.04.2022
Адис бизнестин өтөсүнө чыга албагандарга кеңеш берди
Жаңылыктар түрмөгү
0