Радиостудия Sputnik Кыргызстан в Бишкеке - Sputnik Кыргызстан, 1920
Радио

Арабаев: кадр саясатындагы башаламандыкты аттестация жөнгө салат

© Sputnik / Табылды КадырбековУлуттук илимдер академиясынын Саясий изилдөөлөр жана экспертиза институтунун директору, академик Чолпонкул Арабаев
Улуттук илимдер академиясынын Саясий изилдөөлөр жана экспертиза институтунун директору, академик Чолпонкул Арабаев - Sputnik Кыргызстан, 1920, 21.06.2022
Жазылуу
Yandex newsTelegram
Улуттук илимдер академиясынын Саясий изилдөөлөр жана экспертиза институтунун директору, академик Чолпонкул Арабаев мамлекеттик жана муниципалдык кызматкерлердин аттестациясын жокко чыгаруу чечими ката болгонун белгиледи.
Мамлекеттик жана муниципалдык кызматкерлерди аттестациялоонун негизги максаты — аларга болгон элдин ишенимин кайтаруу. Бул тууралуу Чолпонкул Арабаев Sputnik Кыргызстан радиосуна маек куруп жатып билдирди.
Арабаев: кадр саясатындагы башаламандыкты аттестация жөнгө салат
Анын айтымында, аттестация кадр саясатындагы башаламандыкты жөнгө салууга мүмкүндүк түзөт.
"Учурунда бардык кадрдык саясатты парламент жүргүзүп, аларга аттестация дагы жакпай калды. Себеби бир күн мамлекеттик кызматта иштебеген өз кадрларын кое албай калышты. Учурда президенттин жарлыгы менен аттестация калыбына келтирилүүдө. Ал буга чейин чыккан кадр саясаты деген жарлыктын уландысы. Мамлекеттик жана муниципалдык кызматкерлерди аттестациялоонун негизги максаты — аларга болгон элдин ишенимин кайтаруу. Бул кадр саясатын жөнгө салууга мүмкүндүк берет. Анткени кадр саясаты башаламан болуп, мамлекеттик кызматта иштеген 10 адамдын экөө иштеп, калганы кирип-чыгып маяна алган системага түштү. Ал эми аттестацияны кайтаруу менен жөндөмдүү жаштарды, кесипкөй адистерди ишке тартууга жол ачылат. Ошолорду калкка кызмат көрсөтүү үчүн кесипкөйлүгүн өстүрүп, мамлекеттик кызматка тартуу зарыл. Себеби бийликтин саясатын жүргүзүү үчүн мамлекеттик кызматкерлердин деңгээли жогору болушу шарт. Буга чейинки элдик толкундоолордун келип чыгуусунун себептеринин бири экономикалык, саясий кризис менен катар дал ушул мамлекеттик жана муниципалдык кызматкерлерге нааразычылык болгон", — деди Арабаев.
Ошондой эле ал аттестациялык комиссияга сөзсүз жарандык коомдун өкүлдөрүн тартуу керектигин кошумчалады.
Жаңылыктар түрмөгү
0