Кыргызстандын Россия менен темир жол каттамы жанданат

© Sputnik / Александр КряжевЖүргүнчүлөр темир жол станциясында. Архив
Жүргүнчүлөр темир жол станциясында. Архив - Sputnik Кыргызстан, 1920, 25.05.2022
Жазылуу
Кыргызстандыктарга билет сатып аларда Казакстан менен Россияга кирүү эрежелерин бир ирет карап коюуну эскертишти.
БИШКЕК, 25-май — Sputnik. Кыргызстан Россия менен темир жол каттамы жанданып жатканын "Кыргыз темир жолу" компаниясынан кабарлады.
Төмөнкү каттамдар жанданмакчы:
8-июндан тарта Бишкек — Самара, шаршемби, жума;
6-июндан тарта Бишкек — Казань, дүйшөмбү;
9-июндан тарта Бишкек — Новосибирск, сегиз күндө бир;
Билеттер качан сатыла баштаары кийинчерээк маалымдалмай болду.
Аталган компания Россия, Казакстан чек арасынан поезд менен өтүү тартиби туурасында маалымат берди. Казакстанда COVID боюнча тапшырган тест жана оору чыккан жок деген жыйынтык орус жана англис тилдеринде керек болот. Тест тапшырылган маалдан 72 саат өтүп кетпеши керек.
Төмөнкүлөргө документтер талап кылынбайт:
Беш жашка чейинки балдарга;
Казакстандын өкмөттүк делегацияларынын мүчөлөрүнө;
Локомотивдик жана поезддик бригадалардын экипажына;
Казакстанда COVID-19га каршы эмдөөнү толук алгандарга же ревакцина кылгандарга. Эске салуучу учур — жүргүнчү чек араны кесип өтүп жатканда вакцина сайдырганына алты айдан ашык убакыт өтпөшү керек. Аны тастыктаган документтер зарыл;
Казакстанда таанылган вакциналарды (COVID-19га каршы) алгандыгы боюнча паспорт/сертификат/маалымдамасын көрсөткөндөр;
Маалым кат "Путешествую без COVID" мобилдик тиркемеси менен да көрсөтүлөт.
Россияда жүргүнчүлөр поездге COVID боюнча тапшырган тест жана оору чыккан жок деген жыйынтыгын көрсөткөн документи же аталган тиркемеси менен коё берилет.
Кыргызстанга кирип жатканда чектөө жок.
"Жүргүнчү, жөнөтүп жаткан адам же жүктү алган киши паспорттук-административдик (анын ичинде визалык), бажы жана башка эрежелерди сакташы керек. Алар эл аралык каттамдагы темир жол транспортундагы жүргүнчүлөр, колго алган жүк, жүк, таңгакталган жүк алгандар жана үй жаныбарларын алып жүргөндөргө каралган тартиптер. Ташып жеткирген тарап темир жол транспортунун эл аралык макулдашууларында каралган эрежелерден сырткары жогоруда көрсөтүлгөндөрдү сактоону көзөмөлдөбөйт жана жүргүнчүлөрдүн, жүктү, таңгакталган жүктү алуучунун бул талаптарды аткаруусуна жоопкерчилик албайт", — деп айтылган маалыматта.
Мамлекеттик ишкана кыргызстандыктарга билет сатып аларда Казакстан жана Россияга кирүү эрежелери менен бир ирет таанышып коюуну эскертет. Ал эми суроо жаралса төмөнкү телефондорго чалууга болот: (0312) 30-02-09, 92-68-54, 92-68-40.
Поезддердин кыймылын калыбына жандануу. Архив - Sputnik Кыргызстан, 1920, 18.04.2022
Июнда Казакстан менен Россиянын ортосунда поезддик беш каттам жанданат
Жаңылыктар түрмөгү
0