Прокуратура Октябрь РИИБдин кызматкерлерине 25 кылмыш иш козгоду

© Sputnik / Табылды КадырбековМилиция кызматкери. Архив
Милиция кызматкери. Архив - Sputnik Кыргызстан, 1920, 17.05.2022
Жазылуу
Yandex newsTelegram
Милиция кылмыштардын бетин ачуунун көрсөткүчүн жасалма жогорулатып бир катар кадамдарга барган.
БИШКЕК, 17-май — Sputnik. Башкы прокуратура Бишкек шаарынын Октябрь РИИБдин кызматкерлерине 25 кылмыш ишин козгоду. Бул туурасында аталган көзөмөл органынын маалымат кызматынан кабарлады.
Милиция кылмыштардын бетин ачуунун көрсөткүчтөрүн жасалма жогорулатуу үчүн бир катар кадамдарга барган.
Бишкек шаарынын Октябрь райондук ИИБдин кызмат адамдары жарандардын жеке маалыматтарын мыйзамсыз пайдалануу менен алардын атынан "Кылмыштардын бирдиктүү реестри" автоматташтырылган системасына жалган маалыматтарды киргизип, кылмыш жөнүндө жасалма билдирүүлөрдү жасашкан жана алар боюнча жасалма кылмыш иштерин козгошкон. Андан соң бул кылмыштар боюнча тергөө аракеттеринин документтери (сурак протоколдору, жабырлануучу деп таануу жөнүндө чечим) түзүлүп, кийинчерээк жабырлануучулардын жеке-ачык айыптоону колдоодон баш тартуу жөнүндө жасалмаланган жалган арыздарынын негизинде иш токтотулган.
"Мындан сырткары, милиция кызматкерлери уурулук беренеси менен айыпталгандарды көндүрүп, мурда бети ачылбаган кылмыш иштерди алардын мойнуна "илип", андан соң жабырлануучулардын айыптоону колдоодон баш тартуу жөнүндө жасалма билдирүүлөрү боюнча ал иштерди токтотушкан. Ошону менен милиция кызматкерлери кылмыштардын бетин ачуу статистикасын көбөйтүшкөн", — деп айтылат билдирүүдө.
Бул фактылар боюнча Кылмыш-жаза кодексинин 361-беренеси ("Далилдерди бурмалоо") жана 337-беренеси ("Кызматтык абалынан кыянаттык менен пайдалануу") боюнча Бишкек шаарынын Октябрь РИИБдин кызмат адамдарына карата 25 кылмыш иши козголгон.
Учурда Башкы прокуратуранын Тергөө башкармалыгы тергөө иштерин жүргүзүп жатканы кабарланды.
Буюртма киши өлтүрүү. Арашан айылындагы кылмыштын бети ачылды. Видео - Sputnik Кыргызстан, 1920, 17.05.2022
Буюртма киши өлтүрүү. Арашан айылындагы кылмыштын бети ачылды. Видео
Жаңылыктар түрмөгү
0