Дмитрий Бивол Кыргызстанга келерин айтты

© AFP / AL BELLOБоксчу Дмитрий Бивол. Архив
Боксчу Дмитрий Бивол. Архив - Sputnik Кыргызстан, 1920, 11.05.2022
Жазылуу
Спортчу өлкө башчы Садыр Жапаровго да ыраазычылык билдирген.
БИШКЕК, 11-май — Sputnik. Мүмкүнчүлүк болору менен Кыргызстанга сөзсүз барам. Бул тууралуу боксчу Дмитрий Бивол социалдык тармактагы баракчасы аркылуу билдирди.
"Бүгүн кыргызстандыктарга ыраазычылык билдиргим келип турат. Өзүм Токмок шаарында туулуп, бокс менен ошол жактан машыга баштагам. Чоң спортко аттангандан бери Кыргызстандагы жердештеримдин колдоосун сезип келем. Өзгөчө Кыргызстандын президенти Садыр Жапаровго ыраазычылык билдирем. Анын менин дарегиме айткан жылуу сөздөрүнө рахмат!" — деп жазган спортчу.
Бивол мүмкүнчүлүк болору менен Кыргызстанга сөзсүз келерин айтып, бул жерди абдан жакшы көрөрүн жана сыйлай турганын белгилеген.
Кыргызстанда туулуп-өскөн профессионал боксчу Дмитрий Бивол 8-майда белгилүү мексикалык спортчу Сауль Альварести утуп, жарым оор салмакта чемпиондук наамын ийгиликтүү коргогон. Беттеш Лас-Вегаста өткөн. Спортчу учурда беттештерге Россиянын атынан чыгып жүрөт.
Бокс боюнча дүйнө чемпиону Дмитрий Бивол. Архив - Sputnik Кыргызстан, 1920, 08.05.2022
Бокс боюнча дүйнө чемпиону Дмитрий Бивол жөнүндө кызыктуу фактылар
Жаңылыктар түрмөгү
0