Башкы прокуратура Садыр Жапаровду суракка чакырды

Президент Садыр Жапаров - Sputnik Кыргызстан, 1920, 27.04.2022
Жазылуу
Президент 2010-жылдагы Июнь окуясын иликтөөнүн алкагында күбө катары көрсөтмө берүүгө чакырылган.
БИШКЕК, 27-апр. — Sputnik. Мамлекет башчы Садыр Жапаров Башкы прокуратурага суракка чакыртылды. Бул тууралуу аталган органдын маалымат кызматы билдирди.
Ага ылайык, президент 2010-жылдагы Июнь окуясын иликтөөнүн алкагында күбө катары көрсөтмө бермекчи.
Белгилей кетсек, буга чейин ушул эле окуя боюнча УКМК башчысы Камчыбек Ташиев сурак берип чыккан.
2010-жылы өлкөнүн түштүгүндө 400дөн ашуун адамдын өмүрүн алган июнь коогасына быйыл 12 жыл болот. Расмий маалыматтар боюнча, бул каргашалуу окуяда 446 адам каза болуп, 2 миңге чукул жаран ар кандай жаракат алган.
57 адам дайынсыз жоголуп, 19у бүгүнкү күнгө чейин табыла элек. Массалык башаламандыкка байланыштуу 100дөн ашуун адамга издөө жарыяланган.
Жогорку Кеңештин депутаты Балбак Түлөбаев. Архив - Sputnik Кыргызстан, 1920, 27.04.2022
Президентти тытып салмай болдук. Түлөбаев Ак үй салууну сындагандарга нааразы
Жаңылыктар түрмөгү
0