“Георгий тасмасы – 2022” өнөктүгү “Россия сегодня” медиатобунун кеңсесинде башталды

© Sputnik / Рамиль Ситдиков / Медиабанкка өтүүГеоргий тасмасы. Архив
Георгий тасмасы. Архив - Sputnik Кыргызстан, 1920, 27.04.2022
Жазылуу
Быйыл “Георгий тасмасы” акциясы 27-апрелден 9-майга чейин Россиянын бардык аймактарында өтөт.
БИШКЕК, 27-апр. — Sputnik. Жыл сайын өтүүчү “Георгий тасмасы” өнөктүгү “Россия сегодня” медиагруппасынын Москвадагы башкы кеңсесинде башталды. Бул салт 2005-жылы старт алган.
Зубовский бульварынан өткөн бардык москвалыктар жана борбордун меймандары Жеңиштин урматына арналган “Георгий тасмасын” ала алышат.
17 жылдан бери өткөрүлүп келе жаткан өнөктүк Россиянын бардык аймактарында болот. Акцияга жакынкы жана алыскы чет өлкөлөр да кошулат деп болжолдонууда. “Георгий тасмасын” Россияда жана чет өлкөлөрдөн ала турган пунктулардын даректерин волонтерыпобеды.рф сайтынан тапса болот.
Москвадагы "Россия сегодня" мультимедиалык маалымат борборунда акциянын башталышына карата конференция өттү. Ага “Россия сегодня” медиатобунун башкы директору Дмитрий Киселев, орун басары Наталья Лосева, Россотрудничество мекемесинин жетекчиси Евгений Примаков, Борбордук штабдын теңтөрагасы Сергей Макаров катышты. “Россиянын өлбөс полку” бүткүл россиялык коомдук кыймылы жана “Жеңиш ыктыярчылары” коомдук кыймылынын лидери, Мамлекеттик Думанын жарандык коомду өнүктүрүү, коомдук жана диний бирикмелердин маселелери боюнча комитетинин төрагасынын орун басары Ольга Занко жана “Ата Мекендин баатырлары” фондунун жетекчиси, Россиянын баатыры Валерий Бурков катышты.
Пресс-конференцияга ошондой эле Донецк менен Луганскинин өкүлдөрү — ДЭР Коомдук палатасынын төрагасынын орун басары Екатерина Мартьянова жана “Жеңиш ыктыярчылары” кыймылынын эл аралык өкүлчүлүгүнүн жетекчиси Ирина Макаренко барды.
“Георгий тасмасы” азыр согуш талаасында, ал Россиянын тарыхый миссиясында – Улуу Ата Мекендик согуш учурундагыдай эле Европада нацизмди жок кылууда күч-кубат берген жандуу символ экенин тастыктап турат”, — деди Киселев.
Анын айтымында, быйыл “Георгий тасмасын” тагынган ар бир адам азыркы жоокерлер менен тилектеш экенин билдирет.
“Бул ошондой эле көп жылдар бою ашынган улутчулдардын террорунан жапа чеккен Украинанын жарандары менен тилектештиктин белгиси”, — деди ал.
Мындан тышкары, жетекчи “Георгий тасмасы” күрөштүн шыктандыруучу символу жана күчтүн булагы эле эмес, ошондой эле Россия жактаган баалуулуктар системасын кабыл алган адам үчүн жашоонун маанисинин негизги компоненти деп кошумчалады.
ТИМ өкүлү Мария Захарова - Sputnik Кыргызстан, 1920, 22.11.2021
Захарова Латвияда Георгий тасмасын тагынууга тыюу салган саясатты айыптады
Жаңылыктар түрмөгү
0