РФтин Коргоо министрлиги Украинадагы "Искандердин" ишин көрсөттү. Видео

© Sputnik / РИА Новости / Медиабанкка өтүүЫкчам-тактикалык "Искандер" ракеталык комплекси
Ыкчам-тактикалык Искандер ракеталык комплекси - Sputnik Кыргызстан, 1920, 25.04.2022
Жазылуу
Чалгынчылардын берген маалыматтары аталган кызматтын техникалык каражаттары менен тастыкталган. Андан соң ыкчам-тактикалык "Искандер" ракеталык комплекси сокку урган.
БИШКЕК, 25-апр. — Sputnik. Россиянын Коргоо министрлиги ыкчам-тактикалык "Искандер" ракеталык комплекси Украинанын ок-дары жана куралдар сакталган жайларын талкалап, жок кылды.
Министрлик жарыялаган видеодо "Искандер-М" комплексинин иштеши менен аэробаллистикалык 9М723 ракетасынын кое берилиши көрсөтүлгөн.
Чалгын кызматы билдирген маалыматка караганда, Украинанын аймагындагы кампалар менен ангарларда Украинанын Куралдуу күчтөрүнүн куралдары менен аскердик техникалары, топтолгон күчтөрдү камсыздоо үчүн даярдалган ок-дарылар жайгаштырылган.
"Чалгынчылардын берген маалыматтары аталган кызматтын техникалык каражаттары менен тастыкталган. Андан соң ыкчам-тактикалык "Искандер" ракеталык комплекси менен аткан. "Искандер" кампалардагы курал-жарактарды, ок-дарыларды жок кылуу боюнча тапшырма алып, ракетасын жүктөп, андан соң кое берген. Аскерлер мээленген жерге соккуну так, таамай урду", — деп билдирген ведомство.
Аскердик тапшырманы аткарган соң тиешелүү техникалар жайгашкан жерин тездик менен калтырып, жаңы буталарга атуу үчүн ылайыкталган башка позициялардан орун алгандыгын айтышты.
Россия Украинадагы атайын операциясын 2022-жылдын 24-февралында баштаган. Президент Владимир Путин ал "Киев режими тарабынан сегиз жыл бою кордолуп-мазакталып, геноцидге кабылгандарды коргоо" максатын көздөйт деген. Анын айтымында, Донбасстагы "тынч жашоочуларга жасаган кандуу кылмыштары" үчүн "Украинаны демилитаризациялап жана денацификациялап", аскер кылмышкерлерин сотко бериш керек.
Россиянын Коргоо министрлигинин билдиргенине караганда, Куралдуу күчтөр соккуну аскердик инфраструктураларга жана украиналык аскерлерге гана жасап жатат. 25-мартка карата биринчи этаптын негизги тапшырмаларын аткарышты, тагыраагы, Украинанын согуштук мүмкүнчүлүгүн төмөндөтүштү. Коргоо министрлигинен россиялык аскерлердин негизги максаты Донбассты бошотуу экендигин айтышты.
“Сармат” континенттер аралык баллистикалык ракетасы. Архив - Sputnik Кыргызстан, 1920, 20.04.2022
Россия биринчи жолу континенттер аралык “Сармат” ракетасын учурду
Жаңылыктар түрмөгү
0