Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

Шойгу: Мариуполдогу жай тургундардын өмүрүн сактоо үчүн бардык чара көрүлдү

© POOL / Медиабанкка өтүүРФ коргоо министри Сергей Шойгу Владимир Путин менен жолугушуу учурунда
РФ коргоо министри Сергей Шойгу Владимир Путин менен жолугушуу учурунда - Sputnik Кыргызстан, 1920, 21.04.2022
Жазылуу
Министр белгилегендей, украиналык армия менен улутчулдар батальону жай тургундарды тирүү калкан катары колдонгон.
БИШКЕК, 21-апр. — Sputnik. Россиянын армиясы менен ДЭРдин элдик милициясынын бөлүктөрү жай тургундардын өмүрүн сактап калуу үчүн бардык чараны көрүштү. Бул тууралуу РФ коргоо министри Сергей Шойгу Владимир Путин менен жолукканда билдирди.
Анын айтымында, каршылык көрсөткөн улутчулдар дээрлик бардык турак жайларды сокку уруучу жайга айландырган. Үйлөрдүн биринчи кабаттарына ок өтпөс техника менен артиллерия коюлса, жогорку этаждарга снайперлер жайгаштырылган.
Шойгу белгилегендей, ортоңку кабаттарга жана жер төлөгө бардык жашоочуларды топтоп, аларды тирүү калканга айландырышкан. Мындай көрүнүш дээрлик бардык үйдө болгон. Украинанын армиясы менен улутчулдар батальону артка чегинген кезде жай тургундарга жашырынган.
"Алар артка чегинген кезде өздөрүн коргоо үчүн жер төлөдөгү адамдарды сыртка кууп чыгып жатышты. Россиялык армия менен ДЭРдин элдик милиция бөлүктөрү жай тургундардын өмүрүн сактап калуу үчүн бардык аракеттерди көрүштү", — деди Шойгу.
РФ президентинин тапшырмасы менен 21-марттан тарта жай тургундар менен чет элдик жарандарды эвакуациялоо үчүн гуманитардык коридорлор ачылган.
Мариуполь шаарындагы Азовсталь заводу - Sputnik Кыргызстан, 1920, 21.04.2022
Россиянын Донбассты коргоо боюнча атайын операциясы
Мариуполь бошотулуп, "Азовсталда" согушкерлер курчалып турат
Жаңылыктар түрмөгү
0