Министрлик окуу жылы качан бүтөрүн айтты

© Sputnik / Табылды КадырбековСабактагы окуучулар. Архив
Сабактагы окуучулар. Архив - Sputnik Кыргызстан, 1920, 18.04.2022
Жазылуу
2022-2023-окуу жылы качан башталары азырынча белгисиз. Министрлик учурда базистик окуу планы иштелип жатканын айтып, документ бекигенден кийин гана так маалымат берилерин кошумчалады.
БИШКЕК, 18-апр. — Sputnik. 2021-2022-окуу жылы 8-июнда аяктайт. Бул тууралуу Билим берүү жана илим министрлигинин маалымат кызматы билдирди.
Эске салсак, 2021-2022-окуу жылы 15-сентябрда башталган. Анда министрликтин адистери окуу жылынын тартиби боюнча түшүндүрмө берип, 8-июнда окуу жылы бүтөрү менен мамлекеттик экзамендер башталарын белгилешкен. Экзамендер 1-июлда аяктап, күбөлүктөр 11-июлда тапшырылса, аттестат 15-июлда берилет.
2021-жылдын август айында өкмөттүн маалымат кызматы Кыргызстанда окуу жылы мындан кийин дайыма 15-сентябрда башталарын билдирген. Окуу жылынын жылдырышын бийлик эпидемиологиялык кырдаалга байланыштырып, мындан тышкары бир катар ата-энелер да окуу жылынын башталышын жылдырууну суранганын маалымдаган.
Бирок 2022-2023-окуу жылы качан башталары азырынча белгисиз. Билим берүү министрлиги учурда базистик окуу планы иштелип жатканын айтып, документ бекигенден кийин гана так маалымат берилерин кошумчалады.
2021-2022-окуу жылындагы мектеп каникулу - Sputnik Кыргызстан, 1920, 16.08.2021
Кыргызстандагы 2021/2022-окуу жылындагы мектеп каникулдары. Календарь
Жаңылыктар түрмөгү
0