Быйыл окуу жылы 15-сентябрда башталат. Министрлер кабинети мындай чечимди билим берүүнүн сапатын камсыздоо үчүн өлкөдөгү эпидемиологиялык кырдаалга ылайык офлайн режиминде билим алууга акырындык менен өтүү максатында кабыл алды.
Мындан улам мектептерде күзгү каникулдун убактысы дагы жылат. Биринчи чейрек 5-ноябрга чейин созулат — окуу убактысы 38 күн же 7,5 жума. Ал эми каникулга 8-ноябрдан 14үнө чейин чыгышат. Экинчи чейрек 15-ноябрда башталып 31-декабрга чейин созулат. Мында окуу убактысы — 35 күн же 7 жума. Андан соң 10 күн каникул берилет.
Үчүнчү чейрек 11-январда башталып, 18-мартта бүтөт. Окуу убактысы — 47 күн же 9,5 жума. Каникул 21-марттан 27сине чейин. Төртүнчү чейрек 28-мартта башталып, 8-июнда аяктайт. Окуу убактысы — 50 күн же 10 жума.
Белгилей кетсек, мектептердеги каникул убактысы болжолдуу берилди. Өзгөрүп кетиши да ыктымал.
