Кыргызстан Казакстандын түштүк аймактарына суу берери айтылды

© Sputnik / Павел Львов / Медиабанкка өтүүСуу. Архив
Суу. Архив - Sputnik Кыргызстан, 1920, 13.03.2022
Жазылуу
Смаилов Казакстандын Энергетика министрлигине өлкөдө электр энергиясынын тартыштыгы жаралышына жол бербөөнү жана мыйзамсыз майнингге катуу чара көрүүнү тапшырды.
БИШКЕК, 13-мар. — Sputnik. Казакстандын түштүк аймактары кыргыз-казак макулдашуусунун алкагында суу ресурстары менен камсыздалат. Казакстандын премьер-министринин сайтындагы маалыматка караганда, бул тууралуу премьер-министр Алихан Смаиловдун катышуусунда өткөн Суу кеңешинин биринчи жыйынында белгилүү болгон.
Маалыматта эки жакка пайдалуу шарттардын негизинде электр энергиясы жана суу менен камсыздоо боюнча товар алмашуу келишими макулдашылганы белгиленди. Бул боюнча толук маалымат азырынча бериле элек.
"Казакстандын түштүк аймактарын суу менен камсыздоо — башкы маселе. Социалдык тынчтык жана жарандардын бакубат жашоосу өкмөттүн негизги максаты", —  деди Смаилов.
Ал ошондой эле Казакстандын Энергетика министрлигине өлкөдө электр энергиясынын тартыштыгы жаралышына жол бербөөнү жана мыйзамсыз майнингге катуу чара көрүүнү тапшырды.
Канал. Архив - Sputnik Кыргызстан, 1920, 07.03.2022
Быйыл Айланма Чүй каналы жана үч суу кампа курулат
Жаңылыктар түрмөгү
0