Уставдык капиталы 1 миллиард сом. Туризмди өнүктүрүү фонду түзүлөт

© Sputnik / Виталий Белоусов / Фотобанкка өтүүЫсык-Көлдө эс алуу. Архивдик сүрөт
Ысык-Көлдө эс алуу. Архивдик сүрөт - Sputnik Кыргызстан, 1920, 12.03.2022
Жазылуу
Yandex newsTelegram
Өкмөт жолдорду жакшыртуу жана соода тармагында пилоттук долбоорлорду жүргүзүү боюнча дагы чечимдерди жактырган.
БИШКЕК, 12-мар. — Sputnik. Өлкөдө Туризмди өнүктүрүү фонду түзүлүп, уставдык капиталы 1 миллиард сом болот. Бул тууралуу өкмөттүн маалымат кызматы кабарлады.
Мындай чечим министрлер кабинетинин отурумунда жактырылган.
Фонддун иши тууралуу кенен маалымат берилген эмес.
Өкмөттүн жыйынында төмөнкү чечимдер да кабыл алынган:
өнүктүрүү жаатында өнөктөштөр менен аракеттенүү боюнча министрлер кабинетинин алдында координациялык кеңеш түзүү тууралуу;
жергиликтүү бюджеттен каржыланган мекемелердин электр энергиясына чыгымдарын республикалык бюджеттен каржылоо жөнүндө жобону бекитүү;
жол тармагы системасын өзгөртүү боюнча чаралар;
бюджеттик системадагы убактылуу бош каражаттарды коммерциялык банктарга жайгаштыруунун тартибин бекитүү;
тоо-кен казуу тармагындагы объектилерде өтө уулуу заттарды өндүрүү, түзүү, сактоо, пайдалануу жана жок кылуу боюнча иштерге лицензия берүү;
сырткы электрондук соода тармагында пилоттук долбоорлорду жүргүзүү.
Министрлер кабинетинин антикризистик чараларды иштеп чыгуу боюнча кеңешме өткөрдү - Sputnik Кыргызстан, 1920, 11.03.2022
Өлкө экономикасы үчүн антикризистик чаралардын жыйындысы иштелип чыкты
Жаңылыктар түрмөгү
0