Пенсиялык топтолмо акча менен ипотека төксө болот. Соцфонддун долбоору

© Sputnik / Жоомарт УраимовАкча каражаттары. Архив
Акча каражаттары. Архив - Sputnik Кыргызстан, 1920, 11.02.2022
Жазылуу
НовостиTelegram
Кыргызстанда жарандар ипотекалык насыянын баштапкы төлөмүн төгүү үчүн пенсиялык топтолмолордун бир бөлүгүн алып келген. Соцфонд жаңы эреже сунуштоодо.
БИШКЕК, 11-фев. — Sputnik. Социалдык фонд кыргызстандыктардын пенсиялык топтолмолорун ипотекалык насыяны төлөө үчүн жумшоого чакырды.
Министрлер кабинетинин токтом долбоору коомдук талкууга коюлган. Социалдык фонд пенсиялык топтолмо менен төлөө эрежелерин өзгөртүүнү сунуштоодо.
Соцфонд өлкө жарандары ипотекалык насыянын баштапкы төлөмүн төгүү үчүн пенсиялык топтолмолордун бир бөлүгүн алса болорун эске салды. Бирок топтолгон каражатыңыз жана аны инвестициялоодон түшкөн киреше 50 миң сомдон кем болбогон учурда жана үйүңүз жок болсо гана ипотекалык баштапкы төгүм үчүн бул каражатты ала аласыз.
Ушуга байланыштуу топтолгон пенсиялык каражаттарды ипотекалык кредитти толук же жарым-жартылай төлөө мүмкүнчүлүгүн карап берүү өтүнүчү менен ипотекалык кредити бар жарандардан көптөгөн кайрылуулар түшкөнү белгиленет.
Социалдык фонд жеке камсыздандыруу эсебинин топтомо бөлүгүндө пенсиялык топтоолору жана бүгүнкү күндө ипотекалык кредити бар адамдарга, ошондой эле расмий никеге турган жубайларына менчик турак жайынын жоктугуна байланыштуу жогоруда көрсөтүлгөн адамдардыкындай эле шарттарда пенсиялык топтоолорун алууга укук берүүнү сунуштап жатат. Ошону менен бирге камсыздандырылган адамдын өздүк камсыздандыруу эсебинин топтоо бөлүгүндө 50 000 сомдон кем эмес акча болушу керек.
Кайрылуунун тартиби:
ипотекалык насыя алып жаткан же алган адамдар, ошондой эле жубайлары Социалдык фондго пенсиянын топтоо бөлүгүн төлөө тууралуу арыз менен кайрылат;
андан ары Соцфонд камсыздандырылган адамда, ошондой эле жубайы коммерциялык банктан жана ипотекалык турак жайга насыя берүү чөйрөсүндөгү ыйгарым укуктуу органдан ипотекалык насыя алганын ырастаган күбөлүктү алгандан кийин пенсиялык топтоо каражаттарын банктын транзиттик эсебине которот.
Мекеме 2020-жылдын мартынан тарта Социалдык фонд тарабынан ипотекалык кредит берилген адамдарга пенсиялык топтоолорун алуу үчүн 12,5 миллион сом (98 адам) жумшалганын белгиледи.
Ошондой эле жумушсуз жарандарды социалдык жактан колдоо максатында пенсиялык топтоолору бар жана расмий жумушсуз деп таанылып камсыздандырылгандарга үч айдан ашпаган мөөнөткө пенсиялык топтоо каражаттарын ай сайын алууга укук берүү сунушталууда. Бирок сумма эмгекке жарамдуу калктын жашоо минимумунан ашпайт.
Мамлекеттик ипотекалык компаниянын төрагасынын орун басары Тилек Джеембаев - Sputnik Кыргызстан, 1920, 04.02.2022
Радио
Буга чейин берилген ипотеканын пайызы төмөндөтүлөт. Шарттары
Жаңылыктар түрмөгү
0