Полевые сборы военнослужащих Волгограда - Sputnik Кыргызстан, 1920, 28.01.2022
Кыргыз-тажик чек арасындагы жаңжал, 2022-жылдын январы

Тажик тарап эртең кыргыз-тажик чек арасын демаркациялоо башталарын билдирди

© Sputnik / Акылбек БатырбековБаткен районунун Төрт-Көчө участогу
Баткен районунун Төрт-Көчө участогу - Sputnik Кыргызстан, 1920, 06.02.2022
Жазылуу
Согди облусунун башчысынын айтымында, тажик тарап 1924-1927-жылдардагы документке таянууда.
БИШКЕК, 6-фев. — Sputnik. Кыргыз-тажик чек арасын демаркация жана делимитациялоо боюнча өкмөттөр аралык комиссия 7-февралда ишин баштайт. Бул туурасында Sputnik Тажикстан Согди облусунун губернатору Раджаббой Ахмадзодага таянуу менен билдирди.
"Учурда биргелешкен комиссия иштеп жатат. Биздин максатыбыз — чек арадагы коопсуздукту жана тартипти камсыздоо. Тажик тарап 1924-1927-жылдардагы документке таянууда, ал эми Кыргызстан 1989-жылкы документти колдонууга ыктап жатат", — деп айткан Ахмадзода маалымат жыйында.
Ошондой эле ал Баткен облусунун башчысы менен тыгыз байланышта болуп, бардык талаштуу маселелер мыйзам алкагында дипломатиялык жол менен чечилерин белгилеген.
Кыргызстандын министрлер кабинети демаркация иштери качан башталары туурасында маалымат бере элек.
УКМК төрагасы Камчыбек Ташиев 29-январда сегиз күндөн кийин эки тараптан түзүлгөн комиссия топографиялык жана укуктук маселелер боюнча ишин жанданта турганын маалымдаган болчу.
Төрт-Көчө эмнеси менен маанилүү? Чыр көп чыккан тилкенин таржымалы. Видео - Sputnik Кыргызстан, 1920, 30.01.2022
Кыргыз-тажик чек арасындагы жаңжал, 2022-жылдын январы
Төрт-Көчө эмнеси менен маанилүү? Чыр көп чыккан тилкенин таржымалы. Видео
Жаңылыктар түрмөгү
0