Бишкекте батирди канчага сатып алса болот. Кыймылсыз мүлктүн наркы
Жазылуу
2022-жылдын алгачкы айында Бишкекте кандай үйлөр кымбаттап, кайсынысы арзандап калганын биле аласыздар.
Sputnik Кыргызстан ай сайын ачык маалымат булактар аркылуу Бишкектеги батирлердин баасына көз жүгүртүп, өткөн ай менен салыштырып турат. Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо наркын көрсөтүп беребиз.
Бул ирет баалар 2021-жылдын декабрь айынын соңунан 2022-жылдын январь айынын аягына чейин кандай өзгөргөнүнө анализ жүргүздүк. Материалды даярдоодо 972 жарнамага талдоо жасалды.
Жыл башталгандан бери көпчүлүк батирлерге болгон баа 500 доллардан 2000 долларга чейин көтөрүлгөн. Баарынан үч бөлмөлүү үйлөр кымбаттап, наркы 1 000-2 000 долларга өскөн.
Өзү жасап алчу бир бөлмөлүү жана эки бөлмөлүү батирлер бир нече миң долларга арзандаган.
Ачык маалымат булактарына таянсак, 2022-жылдын январь айында Бишкекте бир бөлмөлүү батирлердин баасы төмөнкүдөй болду:
104-серия — 32 000 доллар (27 500дөн 37 500гө чейин);
105-серия — 31 900 (20 900дөн 38 500гө чейин);
106-серия — 33 500 (27 000ден 45 500гө чейин);
"хрущевка" — 28 100 (22 500дөн 35 500гө чейин).
Бир бөлмөлүү "элитка" тибиндеги батирлердин орточо баасы:
жеке типтегилери (18ден 52 чарчы метрге чейин) — 29 100 (17 800дөн 38 500гө чейин);
өзү жасап ала тургандары (32ден 65 чарчы метрге чейин) — 29 100 (17 300дөн 54 900гө чейин).
Эки бөлмөлүү батирлердин орточо баасы:
104-серия — 39 100 доллар (33 000ден 45 500гө чейин);
105-серия — 43 700 (26 500дөн 56 500гө чейин);
106-серия — 46 300 (26 000ден 57 000ге чейин);
"хрущевка" — 35 200 (26 900дөн 42 000ге чейин).
Эки бөлмөлүү "элитка" тибиндеги батирлердин орточо баасы:
жеке типтегилери (41ден 99 чарчы метрге чейин) — 40 000 (27 000ден 113 300гө чейин);
өзү жасап ала тургандары (49дан 94 чарчы метрге чейин) — 45 400 (22 800дөн 83 000ге чейин).
Үч бөлмөлүү батирлердин орточо баасы:
104-серия — 45 800 доллар (37 000ден 61 000ге чейин);
105-серия — 54 400 (34 700дөн 75 000ге чейин);
106-серия — 60 900 (31 500дөн 72 000ге чейин);
"хрущевка" — 44 600 (40 500дөн 49 500гө чейин).
Үч бөлмөлүү "элитка" тибиндеги батирлердин орточо баасы:
жеке типтегилери (46дан 160 чарчы метрге чейин) — 61 300 (35 000ден 110 000ге чейин);
өзү жасап ала тургандары (75тен 125 чарчы метрге чейин) — 75 700 (48 000ден 156 800гө чейин).
Тема боюнча:
