Кыргызстанда жан багуу үчүн канча акча керек? Кызыктуу инфографика

Жазылуу
Yandex newsTelegram
2020-жылдагыдай эле эң жогорку жашоо минимуму Жалал-Абад облусунда катталса, эң төмөнкүсү Таласка туура келди. Бишкек үчүнчү сапта.
Улуттук статистика комитетинин маалыматы боюнча, Кыргызстанда жашоо минимуму 2021-жылы 6 268 сомду түздү. Көрсөткүч мурдагы жылга салыштырмалуу 17 пайызга өскөн. Өлкө боюнча жашоо минимуму жалпы жонунан 910 сомго жогорулады.
Жашоо минимумунун көлөмү бир айлык азык-түлүккө, тамак-ашка кирбеген товарларга, кызматтар менен салык төлөөгө кеткен чыгымдарды эске алуу менен бекитилет. Белгилей кетчү жагдай, мында минималдык чыгымдар гана эске алынат. Адамга керектүү башка чыгымдар эсептелбейт.
Улуттук статистика комитетинин маалыматына караганда, жашоо минимумунун жарымынан көбү азык-түлүккө сарпталат (4 074 сом). Кийинки сапта кызмат көрсөтүүлөр турат — 1 066 сом. Эң аз каражат азык-түлүккө кирбеген товарларга жумшалат. Орто эсеп боюнча 125 сом салыктарга кетет.
Адистердин эсептөөсү боюнча, эмгекке жарамдуу курактагы эркектердин жашоо минимуму аялдарга караганда 228 сомго көп. Пенсионерлердики бул көрсөткүч 5 580 сомду түзөт.
Региондор боюнча алып караганда эң жогорку жашоо минимуму Жалал-Абадда катталды (6 649 сом). Экинчи сапта Ош шаары (300дөн ашык сомго аз). Үчүнчүдө Бишкек (6 317 сом). Эң төмөнкү жашоо минимуму Таласта катталган (5 754 сом).
Жаңылыктар түрмөгү
0