Кабыландан кутулуп, маймылга жем болгон кичинекей антилопа. Видео

Жазылуу
Yandex newsTelegram
Кабыландын эрмегине айланган антилопанын баласы ал жерден аман калып, бирок экинчи башка жаныбардын жемине айланды.
Окуя Кениядагы Масаи Мара жаратылыш коругунда болгон.
Ачуу тиштер желкесине, мойнуна батканда диртилдеп, коркуп турган антилопанын жаңы туулган музоосун туристтер тартып алган. Аны кабыландын бир топ чоңоюп калган балдары эрмектеп, жанын көзүнө көрсөткөн.
Болжол менен 40 мүнөттөй убакыттан соң талаада ири павиан (маймылдын итке окшош түрү) пайда болуп, жаш кабыландарды ар тарапка чачырата кууган.
Жаратылышта бул маймылдар эч нерседен кайра тартпастыгы, жүрөктүүлүгү жана өжөрлүгү менен белгилүү. Адистер негизинен павиандар курт-кумурска, балык, чөп-чар менен тамактанышарын айтып келишет. Бирок кой, антилопа сындуу туяктууларга да кол салган учурлары бар. Тайманбастыгынан кээде фермерлердин малына да тиш салып кирип барарын айтышат.
Видеодон дал ошондой сүрөттөлгөн павиан антилопанын музоосун бул сапар кабыландардын оозунан жулуп алып, тиштеп көтөрүп кеткенин көрүүгө болот. Бул окуя тууралуу баяндаган "National Geographic Россия" сайты маймыл олжосун тез эле ары-бери кылганын жазды. Биринчи жырткычтан кутулган кичинекей антилопа катаал табияттын экинчи азуулуусуна кабылып ажал тапкан.
Тема боюнча:
Кабылан оозунан алдырып. Чочколордун ажалдан аман калган видеосу
Кеткиси жок. Ыраак алып барып таштаса да кайтып келген эки ак аюунун видеосу
Жаалданган пил туристтер түшкөн автоунааны оодарып салган видео
Жаңылыктар түрмөгү
0