Бишкекте дагы 4 мектеп онлайн-окууга өттү. Эми жалпы 20 мектеп карантинде

© Sputnik / Табылды КадырбековКарантин тууралуу жарыя. Архив
Карантин тууралуу жарыя. Архив - Sputnik Кыргызстан, 1920, 19.01.2022
Жазылуу
Yandex newsTelegram
Коронавирустан улам ордо калаада жалпы 20 мектеп аралыктан окууга өттү.
БИШКЕК, 19-янв. — Sputnik. Бишкекте дагы төрт мектеп онлайн-окууга өттү. Бул тууралуу мэриянын маалымат кызматы билдирди.
Ага ылайык, бүгүндөн тарта №70, 5, 28 жана 61 орто мектептер карантинге жабылып, окуучулар аралыктан билим алмакчы. Бүгүн эртең менен №17, 30 жана 32 мектептер убактылуу жабылганы айтылган.
Буга чейин Санитардык-эпидемиологиялык көзөмөл борбору Бишкекте 13 мамлекеттик мектеп карантинге жабылганын маалымдаган. Алар: № 26, 88, 62, 60, 73, 12, 4, 38, 67, 11, 29, 18, 6 орто мектептери. Муну менен 19-январга карата ордо калаада 20 мектеп онлайн-окууга өттү. Мындан тышкары, бир катар жеке менчик мектептер да карантинде экени белгилүү болду. Акыркы маалыматтар боюнча, Бишкек коронавирус боюнча "кызыл" зонада. Шаарда күнүнө 500дөн ашык адамдан вирус аныкталууда.
Министрлер кабинетинин төрагасынын орун басары, Коронавирусту ооздуктоо боюнча республикалык штабдын жетекчиси Эдил Байсалов - Sputnik Кыргызстан, 1920, 19.01.2022
Байсалов: эми ПЦР-тест алуу токтотулат, COVID аныкталган мектептер жабылбайт
Жаңылыктар түрмөгү
0