Биз жөн жерден таяк жечү бала эмеспиз! Байсалов Масалиевдин сынына терикти

© Фото / пресс-служба Жогорку КенешаМинистрлер кабинетинин төрагасынын орун басары Эдил Байсалов
Министрлер кабинетинин төрагасынын орун басары Эдил Байсалов - Sputnik Кыргызстан, 1920, 19.01.2022
Жазылуу
Yandex newsTelegram
Депутат аткаминерлерди бирөөнү жамандай бербей, саясатка кийлигишпей иштөөгө чакырган.
БИШКЕК, 19-янв. — Sputnik. Жогорку Кеңештин депутаты Исхак Масалиев министрлер кабинетинин төрагасынын орун басары Эдил Байсалов менен саламаттык сактоо министри Алымкадыр Бейшеналиевге саясатты жыйыштырып иш менен алектенүүгө кеңеш берди.
Ал эки аткаминерди бирөөнү жамандай бербей, саясатка кийлигишпей иштөөгө чакырды.
Байсалов буга теригип, азыр депутаттын ар бир сөзүнө макул боло бере турган өкмөт жок экенин айтты.
"Сиздин ар бир кеңешиңиз биз үчүн өтө баалуу. Бирок мен учурда саясат менен алектенем. Урматтуу депутаттар, "сиздердики чын, ар бир сөзүңүздөрдү аткарабыз" деген мурунку өкмөт жок азыр. Биз эл шайлаган президент Садыр Жапаровдун программасы менен иштейбиз. Аны сиздер менен чогуу теңата аткарабыз. Биз бул жерде жөн жерден таяк жечү балдар эмеспиз. Мындан ары андай болбойбуз. Мамлекеттик саясат менен алектенебиз", — деди Байсалов.
Андан соң Масалиев ортоңку микрофонго чыгып жаман ойдо кеңеш айтпаганын, депутаттар менен айтышуунун кажети жоктугун билдирди. "Кеңешти кандай кабыл алуу өзүңөрдөн" деп сөзүн жыйынтыктады.
Камактагы адам. Архив - Sputnik Кыргызстан, 1920, 19.01.2022
Камалгандар кызматка дайындалабы? Депутаттар Байсаловду этият сүйлөөгө чакырды
Жаңылыктар түрмөгү
0