Кыргызстан Казакстанга эң көп саткан 10 товар. Инфографика

Жазылуу
Өткөн жылы Кыргызстан Казакстанга дээрлик 21 миллион долларга сүт азыктарын саткан. Өлкө коңшу республикага дагы кандай товарларды экспорттогонун инфографикадан көрүңүз.
2021-жылдын 10 айында Кыргызстан менен Казакстандын товар жүгүртүүсү 899 миллион 976 миң долларды түздү. Бул тууралуу Евразия экономикалык комиссиясынын маалыматында көрсөтүлгөн.
Республиканын товар айлантуусунун жалпы көлөмүнүн 16 пайызы Казакстанга туура келет.
Кыргызстан Казакстанга товар сатканга караганда көп сатып алат. Импорт менен экспорт 65 жана 35 пайызды түзөт.
ЕЭК менен Улуттук статистика комитетинин 2021-жылдын январь-октябрь айларындагы маалыматына таянуу менен Sputnik Кыргызстан агенттигинин кабарчылары Казакстанга жөнөтүлгөн 10 негизги товарды тандады.
Биринчи орунга руда жана баалуу металлдардын концентраттары чыкты. 10 ай ичиндеги экспорттун көлөмү 115 миллион долларды түзгөн. Экинчи сапта айнек жана андан жасалган материалдар турса, үчүнчүгө пластмасса жана андан жасалган буюмдар кирди.
Төртүнчү позицияда сүт жана сүт азыктары турат. 2021-жылдын январынан октябрга чейин экспорттун көлөмү 21 миллион долларга жеткен.
Рейтингдин кийинки сабында нан, ундан жасалган кондитердик азыктар, макарон жана ундан, крахмалдан, сүттөн жасалган даяр азыктар турат.
Алтынчы орунга таштан, цементтен, асбестен жасалган материалдар илинди. Бул категория боюнча экспорттун ири көлөмүнө эстеликтер менен курулуштарга багытталган таштар кирет.
Керамикалык материалдар жетинчи сапка жайгашты. Кийинки сапта эмерек, лампалар жана жарык берүүчү жабдыктар турат. Тогузунчу позицияда бодо мал, жылкы, эшек жана башкалар. Акыркы 10чу сапка алкоголдук жана алкоголсуз ичимдиктер кирди.
Жаңылыктар түрмөгү
0
Алгач жаңыларыАлгач эскилери
loader