Кыргызстанда эркектер ракка бала кезинде көп кабылат. Статистика

© Sputnik / Эмиль СадыровБалдар оюн учурунда. Архив
Балдар оюн учурунда. Архив - Sputnik Кыргызстан, 1920, 25.12.2021
Жазылуу
Улуттук статистика комитети соңку беш жыл ичинде ракка кабылуу боюнча аялдар арасында жогорку тенденция сакталып келе жатканын кошумчалады.
БИШКЕК, 25-дек. — Sputnik. Кыргызстанда рак илдетине эркектер көбүнесе бала кезинде, аялдар бойго жетип же улгайып бара жаткан куракта кабылышат. Муну Улуттук статистика комитети 2020-жылга карата жарыялаган маалыматтан байкаса болот.
Мисалы, былтыр 14 жашка чейинки балдар арасында залалдуу шишик диагнозу катталгандардын арасында 58 пайызы эркектер болгон. Ошондой эле 15-19 жаштагылардын көпчүлүгүн (60 пайызын) эркектер түзөт.
Ал эми аялдар арасында 20-39 жашта ракка чалдыккандар көбүрөөк кездешет. Статистика боюнча бул куракта ооруп калгандардын 64 пайызы кыз-келиндер. Мындан тышкары, 40-59 жаштагылар ичинен жарымынан көбү (60 пайыз) аялдар.
Улгайып бара жаткандардын арасында көрсөткүчтөр теңелет. Башкача айтканда, 60 жаштан өткөндөн кийин ооругандардын теңи аялдар, теңи эркектер болуп калат.
Колбаса заводу. Архив - Sputnik Кыргызстан, 1920, 22.12.2021
Нутрициолог рак оорусун чакырчу көп желген азыкты атады
Жаңылыктар түрмөгү
0