Ар бир жаран чын дилинен пенсия үчүн акча которот. Бийликтин планы

© Фото / Pixabay / sabinevanerpТаяк кармаган улгайган аял. Архив
Таяк кармаган улгайган аял. Архив - Sputnik Кыргызстан, 1920, 11.12.2021
Жазылуу
Социалдык фонд "Келечек булагы" өнүктүрүү жана туруктуу экосистеманы куруу боюнча стратегиясын сунуштады.
БИШКЕК, 11-дек. — Sputnik. Министрлер кабинетинин төрагасы Акылбек Жапаров өлкөдөгү пенсиялык тутумду реформалоо маселеси боюнча көчмө жыйын өткөрдү. Бул тууралуу өкмөттүн маалымат кызматы билдирди.
© Пресс-служба правительства / Алишер АлиевМинистрлер кабинетинин төрагасы Акылбек Жапаров өлкөдөгү пенсиялык тутумду реформалоо маселеси боюнча көчмө жыйын өткөрдү
Обсуждение реформирования пенсионной системы в Кабинете министров - Sputnik Кыргызстан, 1920, 14.12.2021
Министрлер кабинетинин төрагасы Акылбек Жапаров өлкөдөгү пенсиялык тутумду реформалоо маселеси боюнча көчмө жыйын өткөрдү
Анда Жапаров мамлекеттин социалдык саясатынын натыйжалуулугунун көрсөткүчтөрүнүн бири жарандарды пенсия менен камсыздоо болуп саналарын белгилеген.
"Салык жана бажы тутумун реформалоо жыйынтыкталуу алдында турат. Келерки жылдын январь айынан тарта биз пенсиялык тутумду реформалап баштайбыз. Анын негизги максаты — системанын бардык катышуучуларына бирдей укукту камсыздоо менен адилеттүүлүктү жана натыйжалуулукту жогорулатуу, пенсиялык камсыздоо принциптерин күчтөндүрүү", — деди министрлер кабинетинин төрагасы.
Андан соң Социалдык фонддун "Келечек булагы" өнүктүрүү жана туруктуу экосистеманы куруу боюнча стратегиясы сунушталган.
Акча санап жаткан адам. Архив - Sputnik Кыргызстан, 1920, 08.12.2021
Соцфонддо акчаңыз сакталып турарын билчү белеңиз? Аны кантип алса болот
"Жарандардан акча алып, азыраак пенсия берген системанын үлгүсүнөн арылуу зарыл. Ошондой эле жарандардын келечекте пенсия алуусуна мамлекет кепил болуп, туура аныкталышы үчүн каражатын чын дилинен которо тургандай болуп, Социалдык фондго карата мамилеси өзгөрүшү керектиги айтылды", — деп жазылат пресс-релизде, бирок ал ким тарабынан айтылганы белгиленген эмес.
Стратегияны талкуулоонун жыйынтыгы боюнча Жапаров Социалдык фонддун жетекчилигине айтылган сунуштарды жана сын-пикирлерди эске алуу менен толуктап иштеп чыгуу тапшырмасын берди.
Жаңылыктар түрмөгү
0