Радиостудия Sputnik Кыргызстан в Бишкеке - Sputnik Кыргызстан, 1920
Радио

Узакбаев: үч айлык баладан онкологиялык илдет катталган учурлар бар

© Sputnik / Асель СыдыковаМедицина илимдеринин доктору, КРдин эмгек сиңирген дарыгери Камчыбек Узакбаев
Медицина илимдеринин доктору, КРдин эмгек сиңирген дарыгери Камчыбек Узакбаев - Sputnik Кыргызстан, 1920, 02.12.2021
Жазылуу
Медицина илимдеринин доктору, КРдин эмгек сиңирген дарыгери Камчыбек Узакбаев рак илдетин алдын алыш үчүн жаш балдарды жылына бир жолу медициналык көзөмөлдөн өткөрүп туруу зарылчылыгы бар экендигин айтты.
Онкологиялык илдетке кабылган балдарды оорудан айыктырса болот. Ал үчүн ата-энелер медиктердин айтканын так аткаруусу зарыл. Бул тууралуу Камчыбек Узакбаев Sputnik Кыргызстан радиосунда маек куруп жатып билдирди.
Узакбаев: үч айлык баладан онкологиялык илдет катталган учурлар бар
Анын айтымында, наристелерде рак түрдүү себептерден, анын ичинде тукум куучулуктан улам да пайда болот.
"Онкологиялык оорулар, тилекке каршы, жылдан-жылга жашарып бара жатат. Үч айлык ымыркай ракка кабылган учурлар кездешүүдө. Мунун себептери көп. Залал шишик илдети тукум кууйт, анан да түрдүү вирустарга кабылып, убагында туура дарылабай коюу, климаттык ар кандай шарттар анын пайда болушуна түрткү бериши мүмкүн. Андыктан учурда бул оору менен жабыркаган наристелерге коомчулуктун көңүлүн бурган акциянын өтүшү пайдалуу иш. Ата-энелерге дарыгер катары айтарым, баладан рак илдети аныкталса, аны өлүмгө алып баруучу дарт катары карабай күрөшүңүздөр. Анткени онкологиялык оорулардан балдарды айыктыруу мүмкүнчүлүгү кенен. Бул үчүн убагында дартты аныктап, медиктердин айткан ар бир көрсөтмөсүн кынтыксыз жасоо керек", — деди Узакбаев.
Дарыгер ооруну алдын алыш үчүн сергек жашоо образын кармануу да зарылдыгын кошумчалады.
Белгилей кетсек, 30-ноябрда Sputnik Кыргызстан радиосу онкологиялык илдетке кабылган балдарга жардам берүү максатында башталган алгачкы ири радиомарафонго катышты. Чогулган каражат долбоордун алкагында оорулууларга жана аларды дарылап жаткан дарыгерлерге жумшалмакчы.
Подкастты толугу менен видеодон көрүңүз:
Жаңылыктар түрмөгү
0