"Ишенимден" келчү депутаттардын бизнеси: базар, микрокредиттик компаниялар

© Sputnik / Табылды КадырбековЖогорку Кеңештин депутаты. Архив
Жогорку Кеңештин депутаты. Архив - Sputnik Кыргызстан, 1920, 30.11.2021
Жазылуу
Парламенттик шайлоонун алдын ала жыйынтыгы чыгып, АСУнун маалыматы боюнча, беш пайыздык босогодон алты партия өттү. Алардын ичинен "Ишеним" партиясы шайлоочулардын 13,7 пайыз добушун алып, 12 мандатка ээ болмокчу.
Sputnik Кыргызстан агенттиги Жогорку Кеңешке келе турган бул партиянын депутаттарынын эмне мал-мүлкү бар экендигин тактап көрдү.
"Ишенимден" эл өкүлү болчу Медербек Алиев "Про-Лекс юридикалык бюросу" жоопкерчилиги чектелген коомуна ээлик кылат. Ага ошондой эле "Демократия жана мыйзам үстөмдүүлүгүнүн институту" коомдук бирикмеси да катталган.
Юстиция министрлигинин порталындагы маалыматка ылайык, Эмилбек Жусуповдун бир нече ишканага тиешеси бар. Мисалы, курулуш бетонун чыгарган "Эмаком Бетон" жоопкерчилиги чектелген коому, соода-сатык менен алектенген "Эмаком Авиа Тур" ЖЧКсын башкарып, негиздөөчүлөрүнүн бири катары көргөзүлгөн.
© Фото / пресс-служба партии "Биримдик"Эмилбек Жусупов
Кандидат в депутаты ЖК от партии Биримдик Джусупов Эмилбек - Sputnik Кыргызстан, 1920, 14.12.2021
Эмилбек Жусупов
Андан сырткары, 30 жаштагы Жусупов "Эмаком Холдинг" жоопкерчилиги чектелген коомунда директор, "Эмаком" курулуш компаниясынын ѳкүлчүлүгүнүн жана "Эмаком" кайрымдуулук фондунун жетекчиси болуп иштейт.
Ал эми Жылдыз Таалайбек кызынын атына жеке ишкана, фирма катталган эмес. Ал Таалайбек Курткаев атындагы коомдук кайрымдуулук фондунун ишин алып барат.
Ички иштер министринин мурдагы орун басары Сүйүнбек Өмүрзаков расмий булактарда "Азиянын арстандары" федерациясынын негиздөөчүлөрүнүн бири катары гана көрсөтүлгөн.
VI чакырылыштагы парламенттин вице-спикери Нурбек Сыдыгалиевге эч нерсе катталган эмес.
© Фото / пресс-служба ЖКНурбек Сыдыгалиев
Депутат ЖК Нурбек Сыдыгалиев - Sputnik Кыргызстан, 1920, 14.12.2021
Нурбек Сыдыгалиев
Марат Мураталиев башка партиялаштарына салыштырмалуу бир топ фирма ачууга жетишкен. Анын "Намыс-Аманбай", "Намыс-Белсен", "Аман-Эсен" "Намыс-Талас", "Эркин-Капитал" микрокредиттик компанияларына тиешеси бар. Ошондой эле кум, шагыл казган "БИМ-Артель-Со" ЖЧКсында, "Ала-Тоо Кенч" ачык акционердик коомунда, "Бабахан Агротехсервис" айыл чарба кооперативинде үлүшү да бар экени маалым болду.
Бахридин Шабазов "Премьер отель" мейманканасына ээлик кылат, "Элит Хаус-Ысык-Көл" жоопкерчилиги чектелген коомун жетектейт. Ошол эле маалда "По домам" ЖЧКсынын негиздөөчүлөрүнүн бири.
Жогорку Кеңешке кайра депутат болуп келе жаткан Улугбек Ормоновдун ишкана, компаниясы бар экендиги ачык булактарда көрсөтүлгөн эмес. Бирок буга чейин "Айсейит" ЖЧКсы болгон.
Депутат Жогорку Кенеша Улукбек Ормонов - Sputnik Кыргызстан, 1920, 14.12.2021
Улугбек Ормонов
Русланбек Жакышов Өмүрбек Алымбаев менен ачкан жүргүнчүлөрдү ташыган "КОМПАС-Транс" фирмасын жетектеп келет.
Аялдардын квотасы менен келе турган Миргүл Темирбаевага соода-сатык менен алектенген "Сырма Текстиль-Бишкек" жоопкерчилиги чектелген коому катталган.
Айсара Абдибаева ийри мүйүздүү мал кармаган "Аксы азыктары" айыл чарба кооперативин жетектеп, анын негиздөөчүлөрүнүн бири деп көрсөтүлгөн.
Социалдык маселелер боюнча мурдагы вице-премьер Чолпон Султанбекованын ишканалары да аз эмес. Ага нан жана кондитердик азыктарды чыгарган "Палван" фирмасы таандык. Баалуу металл казган "Соломон плюс", бут кийим чыгарган "K and K" жана соода менен алектен "Баяман Баатыр", "Баява" ЖЧКсынын негиздөөчүлөрүнүн бири. Султанбекова "Алмаз" ачык акционердик коомунун жетекчиси да болуп иштейт.
Жаңылыктар түрмөгү
0
Алгач жаңыларыАлгач эскилери
loader