https://sputnik.kg/20211129/partiya-shajloonun-zhyjyntygy-naarazychylyk-1054791003.html
Парламентке өтпөй калган 4 партия шайлоонун жыйынтыгын тааныбай турганын айтты
Парламентке өтпөй калган 4 партия шайлоонун жыйынтыгын тааныбай турганын айтты
Sputnik Кыргызстан
Партиялардын лидерлери добуштарды саноодо мыйзам бузуулар болгонун айтып, кайрадан шайлоо өткөрүүнү талап кылууда. 29.11.2021, Sputnik Кыргызстан
2021-11-29T10:48+0600
2021-11-29T10:48+0600
2021-12-15T23:01+0600
жаңылыктар
кыргызстан
саясат
жогорку кеңешке жаңы тартип менен болчу шайлоо
жогорку кеңешке шайлоо 2021
жогорку кеңешке шайлоо
шайлоо
жыйынтык
"ата мекен" партиясы
"улуттар биримдиги" партиясы
https://sputnik.kg/img/07e5/0b/1c/1054785243_436:279:2819:1619_1920x0_80_0_0_fcce1eb35ef5402db0c30d1d3cc0236c.jpg.webp
БИШКЕК, 29-ноя. — Sputnik. "Ата Мекен", "Улуттар биримдиги", "Азаттык" жана "Социал-демократтар" партиялары парламенттик шайлоонун жыйынтыгын тааныбай турганын айтып, кайра шайлоо өткөрүүнү талап кылып жатат. Бул тууралуу партия лидерлери "Ата Мекендин" кеңсесине чогулуп, билдирүү жасаган учурда айтылды.Ошондой эле алар БШКнын сервери шайлоонун жыйынтыгы эсептелип жаткан кезде жарым сааттай өчүп калгандыгы боюнча иликтөө жүргүзүү керектигин айтууда."Ата Мекен" партиясынын лидери Өмүрбек Текебаев саноо учурунда партиялар алган добуштар 160 пайызга чыгып кеткени эле күмөн санатканын айтууда.Ал эми "Азаттык" партиясынын талапкерлеринин башында турган Исмаил Исаков шайлоонун жыйынтыгын жокко чыгарууну талап кылды."Улуттар биримдиги" партиясынын лидери Мелис Мырзакматов БШКнын курамы толугу менен отставкага кетиши керек деген пикирде."Социал-демократтар" партиясынан талапкер Рыскелди Момбеков "президент Садыр Жапаров Коопсуздук кеңешинин чукул жыйынын өткөрүп, БШКнын сайты эмнеге иштебей калганын, кайдан ката кеткенин териштирүүсү керек" деген оюн айтты.Эске салсак, 28-ноябрда кечинде шайлоо тилкелери жабылгандан кийин БШКнын сайты кеминде эки жолу иштебей калган. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган.БШК төрайымы Нуржан Шайлдабекова добуш берүүнүн алдын ала жыйынтыгын көрсөткөн эки программа иштелип чыкканын айткан. Анын түшүндүргөнүнө караганда, автоматтык түрдө эсептөө версиясындагы маалымат менен кийинкисинин ортосунда айырмачылык чыгып, техникалык мүчүлүштүк кеткен.Добуштардын 93,34 пайызы саналып бүткөн учурда "Ата-Журт Кыргызстан" – 16,36, "Ишеним" – 13,09, "Ынтымак" – 10,48, "Альянс" – 7,98, "Бүтүн Кыргызстан" – 6,5, "Ыйман Нуру" партиясы 5,88 пайыз добуш алды.Бирок бул шайлоонун расмий жыйынтыгы болуп эсептелбейт. Акыркы жыйынтыкты БШК 18-декабрга чейин жарыялайт.
https://sputnik.kg/20211129/zhogorku-kenesh-shajloo-zhyjyntygy-1054192702.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, саясат, жогорку кеңешке жаңы тартип менен болчу шайлоо, жогорку кеңешке шайлоо 2021, жогорку кеңешке шайлоо, шайлоо, жыйынтык, "ата мекен" партиясы, "улуттар биримдиги" партиясы, "азаттык" партиясы, "социал-демократтар" партиясы
жаңылыктар, кыргызстан, саясат, жогорку кеңешке жаңы тартип менен болчу шайлоо, жогорку кеңешке шайлоо 2021, жогорку кеңешке шайлоо, шайлоо, жыйынтык, "ата мекен" партиясы, "улуттар биримдиги" партиясы, "азаттык" партиясы, "социал-демократтар" партиясы
Парламентке өтпөй калган 4 партия шайлоонун жыйынтыгын тааныбай турганын айтты
10:48 29.11.2021 (Жаңыртылды: 23:01 15.12.2021) Партиялардын лидерлери добуштарды саноодо мыйзам бузуулар болгонун айтып, кайрадан шайлоо өткөрүүнү талап кылууда.
БИШКЕК, 29-ноя. — Sputnik. "Ата Мекен", "Улуттар биримдиги", "Азаттык" жана "Социал-демократтар" партиялары парламенттик шайлоонун жыйынтыгын тааныбай турганын айтып, кайра шайлоо өткөрүүнү талап кылып жатат. Бул тууралуу партия лидерлери "Ата Мекендин" кеңсесине чогулуп, билдирүү жасаган учурда айтылды.
Ошондой эле алар БШКнын сервери шайлоонун жыйынтыгы эсептелип жаткан кезде жарым сааттай өчүп калгандыгы боюнча иликтөө жүргүзүү керектигин айтууда.
"Ата Мекен" партиясынын лидери
Өмүрбек Текебаев саноо учурунда партиялар алган добуштар 160 пайызга чыгып кеткени эле күмөн санатканын айтууда.
Ал эми "Азаттык" партиясынын талапкерлеринин башында турган
Исмаил Исаков шайлоонун жыйынтыгын жокко чыгарууну талап кылды.
"Шайлоо таза өткөн жок. Биз анын жыйынтыгын тааныбайбыз. Жокко чыгарылсын, жаңы шайлоо талап кылабыз. Бийлик шайлоону таза өткөрүп беребиз деген сөзүнө турган жок", — деди Исаков.
"Улуттар биримдиги" партиясынын лидери
Мелис Мырзакматов БШКнын курамы толугу менен отставкага кетиши керек деген пикирде.
"Шайлоо дүйнө жүзүнүн алдында, онлайн негизде өтө олдоксон түрдө бурмаланды. БШКнын курамы толугу менен отставкага кетип, ордуна шайлоонун таза өтүүсүнө кызыкдар бардык тараптан өкүлдөр иштесин", — деди Мырзакматов.
"Социал-демократтар" партиясынан талапкер
Рыскелди Момбеков "президент Садыр Жапаров Коопсуздук кеңешинин чукул жыйынын өткөрүп, БШКнын сайты эмнеге иштебей калганын, кайдан ката кеткенин териштирүүсү керек" деген оюн айтты.
Эске салсак, 28-ноябрда кечинде шайлоо тилкелери жабылгандан кийин БШКнын сайты кеминде
эки жолу иштебей калган. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган.
29 Жетинин айы 2021, 01:17
БШК төрайымы Нуржан Шайлдабекова добуш берүүнүн алдын ала жыйынтыгын көрсөткөн эки программа иштелип чыкканын айткан. Анын түшүндүргөнүнө караганда, автоматтык түрдө эсептөө версиясындагы маалымат менен кийинкисинин ортосунда айырмачылык чыгып, техникалык мүчүлүштүк кеткен.
Добуштардын 93,34 пайызы саналып бүткөн учурда "Ата-Журт Кыргызстан" – 16,36, "Ишеним" – 13,09, "Ынтымак" – 10,48, "Альянс" – 7,98, "Бүтүн Кыргызстан" – 6,5, "Ыйман Нуру" партиясы 5,88 пайыз добуш алды.
Бирок бул шайлоонун расмий жыйынтыгы болуп эсептелбейт. Акыркы жыйынтыкты БШК 18-декабрга чейин жарыялайт.
